శంషాబాద్ ఘటనపై సోషల్ మీడియాలో అసభ్యకర పోస్టింగులు

రంగారెడ్డి జిల్లా శంషాబాద్ కు చెందిన వెటర్నరీ వైద్యురాలిని నలుగురు యువకులు దారుణంగా అత్యాచారం చేసి, దహనం చేసిన విషయం తెలిసిందే. ఈ విషయంపై సోషల్ మీడియాలో అసభ్యకర రీతిలో కొందరు పోస్టింగ్ లు చేస్తున్నారు. ఈ విషయంపై కొందరు రాచకొండ సైబర్ క్రైమ్ పోలీసులకు ఫిర్యాదు చేశారు.

దీంతో పోలీసులు విచారణ చేపట్టారు. ఇలాంటి ఘటనలపై పోస్టింగ్ లు పెడితే కఠిన చర్యలు తీసుకుంటామని పోలీసులు హెచ్చరించారు. కాగా, శంషాబాద్ ఘటనపై పోలీసులు విచారణ కొనసాగిస్తున్నారు.