సుజనా చౌదరి గారూ, మీ రాజకీయ జీవితమంతా చౌకబారు విన్యాసాలే: విజయసాయిరెడ్డి

ఇటీవలే టీడీపీకి గుడ్ బై చెప్పి బీజేపీ తీర్థం పుచ్చుకున్న రాజ్యసభ సభ్యుడు సుజనా చౌదరిపై వైసీపీ ముఖ్యనేత విజయసాయిరెడ్డి విమర్శలు చేశారు. రెండు పర్యాయాలు రాజ్యసభ సభ్యుడు అయ్యేందుకు చంద్రబాబుకు ఎంత కప్పం చెల్లించారో అందరికీ తెలుసని, ఢిల్లీలోనూ ఈ విషయం విదితమేనని ట్వీట్ చేశారు. అలాంటి చరిత్ర ఉన్న మీరు ఇప్పుడు సుద్దపూసలా మాట్లాడుతుంటే ప్రజలు నవ్వుకుంటున్నారని విజయసాయి వ్యాఖ్యానించారు. అయినా, మీ రాజకీయ జీవితమంతా చౌకబారు విన్యాసాలే కదా సుజనా చౌదరి గారూ అంటూ వ్యంగ్యం ప్రదర్శించారు.