Andhra Pradesh: ‘జబర్దస్త్’ షోకు మంచి ప్రశంసలు వచ్చాయి.. తీవ్రమైన విమర్శలు కూడా వచ్చాయి!: అనసూయ భరద్వాజ్

తెలుగు కామెడీ షో జబర్దస్త్ కు మంచి ప్రశంసలు, తీవ్రమైన విమర్శలు దక్కాయని యాంకర్, నటి అనసూయ భరద్వాజ్ తెలిపింది. అయినా లక్షలాది మంది మోముల్లో ప్రతివారం తాము నువ్వులను పూయిస్తున్నామని వ్యాఖ్యానించింది. దాదాపు అర్ధ దశాబ్దం దాటినా ఈ షోను విజయవంతంగా కొనసాగిస్తున్నామనీ, ఇందుకు దర్శకులు నితిన్, భరత్ లే కారణమని కితాబిచ్చింది.

తాను సెట్ లో ఏం అడిగినా, ఫిర్యాదు చేయాలనుకున్నా, సలహాలు కోరినా ఈ ఇద్దరు దర్శకులు హుందాగా, ఓపిగ్గా సమాధానాలు ఇచ్చేవారని అనసూయ ప్రశంసించింది. నిరాడంబరంగా, ఓపిగ్గా ఉండే వీరిద్దరూ జీవితంలో సరికొత్త ఎత్తులకు చేరుకోవాలని కోరుకుంటున్నట్లు అనసూయ పేర్కొంది. ఈ మేరకు అనసూయ భరద్వాజ్ ట్వీట్ చేసింది.