నేను పెళ్లి చేసుకోకపోవడానికి కారణమదే: హాస్యనటి గీతా సింగ్

ఈవీవీ సత్యనారాయణ సినిమాలతో గీతా సింగ్ బాగా పాప్యులర్ అయ్యారు. ఈవీవీ చనిపోయాక ఆమెకి ఆ స్థాయి అవకాశాలు రాలేదనే చెప్పాలి. అప్పటి నుంచి అడపాదడపా మాత్రమే ఆమె తెరపై కనిపిస్తూ వస్తున్నారు. అలాంటి గీతా సింగ్ తాజాగా 'ఆలీతో సరదాగా' కార్యక్రమంలో మాట్లాడుతూ, మనసును కదిలించే ఒక విషయం చెప్పారు.

"మా అన్నయ్యకి ఇద్దరు మగపిల్లలు .. ఆ తరువాత ఆయన చనిపోయాడు. అప్పటి నుంచి కూడా ఆ ఇద్దరి పిల్లల పోషణ భారాన్ని నేనే చూస్తున్నాను. వాళ్ల చదువు విషయంలో మోహన్ బాబు ఫ్యామిలీ నుంచి సాయం లభించింది. నేను పెళ్లి చేసుకుంటే ఆ పిల్లలను వదిలేయమంటారు .. వాళ్ల కోసమే నేను పెళ్లి చేసుకోలేదు. నా విషయంలో ఇలా జరిగితే నా పిల్లలను మా అన్నయ్య చూసుకునేవాడు. అలాంటి అన్నయ్య పిల్లలను వదిలేయలేకనే నేను నా పెళ్లి గురించి ఆలోచించలేదు" అంటూ కన్నీళ్లు పెట్టుకున్నారు.