దేశ వ్యాప్తంగా జీఎస్టీ పన్ను విధానం కొత్తగా అమల్లోకి వచ్చిన విషయం తెలిసిందే. ఈ నేపథ్యంలో ట్రేడర్లకు, పన్ను చెల్లింపుదారులకు వచ్చే సందేహాలను నివృత్తి చేసే నిమిత్తం కేంద్ర ప్రభుత్వం హెల్ప్ లైన్ నెంబర్లను ఏర్పాటు చేసింది. ఈ సందర్భంగా జీఎస్టీ నెట్ వర్క్ చైర్మన్ నవీన్ కుమార్ మాట్లాడుతూ, హెల్ప్ లైన్ నెంబర్లకు రోజుకు సగటున పదివేల ఫోన్ కాల్స్ వస్తున్నాయని చెప్పారు. నోయిడా నుంచి ఈ కాల్ సెంటర్ ను ఏర్పాటు చేశామని, సుమారు నాలుగు వందల మంది ఎగ్జిక్యూటివ్ లు వీటిని ఆపరేట్ చేస్తున్నారని చెప్పారు. ప్రముఖ సాఫ్ట్ వేర్ సంస్థలు ఇన్ఫోసిస్, టెక్ మహీంద్రాలతో కలిసి జీఎస్టీఎన్ రిజిస్ట్రేషన్లను కూడా ప్రారంభించినట్టు చెప్పారు.