రాజ్యసభ ఎన్నికలకు షెడ్యూల్ విడుదల.. ఏపీలో ఖాళీ అవుతున్న 4 రాజ్యసభ స్థానాలు!

దేశవ్యాప్తంగా ఖాళీ అవుతున్న రాజ్యసభ స్థానాల భర్తీకి కేంద్ర ఎన్నికల సంఘం షెడ్యూల్‌ను విడుదల చేసింది. జూన్, జులై నెలల్లో పదవీకాలం ముగియనున్న 10 రాష్ట్రాల్లోని మొత్తం 24 రాజ్యసభ స్థానాలకు ఈ ఎన్నికలు జరగనున్నాయి. ఇందులో ఆంధ్రప్రదేశ్‌కు సంబంధించిన 4 కీలక స్థానాలు కూడా ఉన్నాయి.

ఎన్నికల షెడ్యూల్:

నోటిఫికేషన్ విడుదల - జూన్ 1
నామినేషన్ల దాఖలుకు చివరి తేదీ - జూన్ 8
పోలింగ్, ఫలితాలు - జూన్ 18

ఆంధ్రప్రదేశ్‌లో ఖాళీ కానున్న 4 స్థానాలు ఇవే:

•  అయోధ్య రామిరెడ్డి (YSRCP)

• పిల్లి సుభాష్ చంద్రబోస్ (YSRCP)

•  పరిమళ్ నత్వానీ (YSRCP)

• సానా సతీష్ బాబు (TDP - గత ఉపఎన్నికలో ఎన్నికయ్యారు)

ప్రస్తుత అసెంబ్లీ సంఖ్యాబలం ప్రకారం ఏపీలోని ఈ నాలుగు స్థానాలూ కూటమి ఖాతాలోకి వెళ్లడం లాంఛనమే. కాకపోతే కూటమిలో సీట్ల సర్దుబాటు, ఎవరెవరికి ఎన్ని సీట్లు అనేది ఇప్పుడు ఆసక్తికరంగా మారింది.

ఈ విడతలో జాతీయ రాజకీయాల్లోని అత్యంత కీలక నేతల రాజ్యసభ పదవీకాలం ముగుస్తుండటంతో ఈ ఎన్నికలపై అందరి దృష్టి పడింది.

• కర్ణాటక (4 స్థానాలు): ఇక్కడి నుంచి కాంగ్రెస్ జాతీయ అధ్యక్షుడు మల్లికార్జున ఖర్గే, మాజీ ప్రధాని హెచ్.డి. దేవెగౌడల పదవీకాలం ముగియనుంది.

• మధ్యప్రదేశ్ (3 స్థానాలు): కాంగ్రెస్ సీనియర్ నేత, మాజీ సీఎం దిగ్విజయ్ సింగ్ పదవీకాలం ముగియనుంది.

• ఇతర రాష్ట్రాల ఖాళీల వివరాలు: గుజరాత్ (4), రాజస్థాన్ (3), జార్ఖండ్ (2), మణిపూర్ (1), మేఘాలయ (1), అరుణాచల్ ప్రదేశ్ (1), మిజోరాం (1).

సరిగ్గా జూన్ 18న ఒకేరోజు పోలింగ్ జరిపి, అదే రోజు సాయంత్రం ఫలితాలను కూడా ఈసీ ప్రకటించనుంది.