Kamal Haasan: 'థ్యాంక్యూ తమిళనాడు': భాషా వివాదం వేళ కమల్ హాసన్ కీలక వ్యాఖ్యలు!
కన్నడ భాషపై తాను చేసిన వ్యాఖ్యల కారణంగా వివాదంలో చిక్కుకున్న నటుడు కమల్ హాసన్, ఈ అంశంపై మరోమారు పరోక్షంగా స్పందించారు. మణిరత్నం దర్శకత్వంలో ఆయన ప్రధాన పాత్రలో నటించిన 'థగ్ లైఫ్' చిత్రం రేపు (జూన్ 5న) విడుదల కానున్న నేపథ్యంలో, చెన్నైలో ఏర్పాటు చేసిన మీడియా సమావేశంలో కమల్ ఈ వివాదం గురించి మాట్లాడారు. క్లిష్ట సమయంలో తనకు మద్దతుగా నిలిచిన తమిళనాడు ప్రజలకు ఆయన హృదయపూర్వక ధన్యవాదాలు తెలిపారు.
కమల్ హాసన్ మాట్లాడుతూ, "ఇలాంటి క్లిష్ట పరిస్థితుల్లో నాకు అండగా నిలిచిన తమిళనాడు రాష్ట్రానికి నా కృతజ్ఞతలు. 'నా ప్రాణం, నా కుటుంబం, తమిళమే' అనే మాటలను నేను పూర్తిగా అర్థం చేసుకున్నాను. ఆ వ్యాఖ్యలకు నేను కట్టుబడి ఉంటాను" అని స్పష్టం చేశారు. తమిళ భాష పట్ల తనకున్న అభిమానాన్ని ఆయన మరోసారి చాటుకున్నారు. ఇంకా చర్చించాల్సిన అంశాలు చాలా ఉన్నాయని, అయితే వాటి గురించి మాట్లాడటానికి ఇది సరైన వేదిక కాదని ఆయన అభిప్రాయపడ్డారు. "చాలా విషయాలపై మాట్లాడాల్సి ఉంది. వాటి గురించి ఒక సమావేశం ఏర్పాటు చేసి మాట్లాడాల్సిన బాధ్యత నాపై ఉంది. తప్పకుండా ఆ పని చేస్తాను" అని కమల్ హాసన్ వెల్లడించారు.
ఇటీవల 'థగ్ లైఫ్' సినిమా ప్రచార కార్యక్రమంలో కమల్ హాసన్ కన్నడ భాషను ఉద్దేశించి చేసిన వ్యాఖ్యలు దుమారం రేపాయి. "కన్నడకు తమిళ భాష జన్మనిచ్చింది" అంటూ ఆయన చేసిన వ్యాఖ్యలపై కర్ణాటక వ్యాప్తంగా తీవ్ర వ్యతిరేకత వ్యక్తమైంది. కమల్ హాసన్ బేషరతుగా క్షమాపణ చెప్పాలని, లేకపోతే కర్ణాటకలో 'థగ్ లైఫ్' సినిమా విడుదలను అడ్డుకుంటామని కర్ణాటక ఫిల్మ్ ఛాంబర్ ఆఫ్ కామర్స్ హెచ్చరించింది.
అయితే, తాను తప్పు చేయలేదని, కాబట్టి క్షమాపణ చెప్పే ప్రసక్తే లేదని కమల్ హాసన్ చెప్పారు. ఈ వివాదంపై ఆయన కర్ణాటక హైకోర్టును కూడా ఆశ్రయించారు. దీనిపై విచారణ జరిపిన న్యాయస్థానం, కమల్ హాసన్ తీరుపై అసంతృప్తి వ్యక్తం చేసింది. "మీరేమైనా చరిత్రకారులా? ఏ ఆధారాలతో ఈ వ్యాఖ్యలు చేశారు?" అని ఉన్నత న్యాయస్థానం ప్రశ్నించింది. ఈ విషయంలో కేవలం ఒక క్షమాపణ చెబితే సమస్య మొత్తం పరిష్కారమవుతుందని కూడా కోర్టు సూచించింది.
కమల్ హాసన్ మాట్లాడుతూ, "ఇలాంటి క్లిష్ట పరిస్థితుల్లో నాకు అండగా నిలిచిన తమిళనాడు రాష్ట్రానికి నా కృతజ్ఞతలు. 'నా ప్రాణం, నా కుటుంబం, తమిళమే' అనే మాటలను నేను పూర్తిగా అర్థం చేసుకున్నాను. ఆ వ్యాఖ్యలకు నేను కట్టుబడి ఉంటాను" అని స్పష్టం చేశారు. తమిళ భాష పట్ల తనకున్న అభిమానాన్ని ఆయన మరోసారి చాటుకున్నారు. ఇంకా చర్చించాల్సిన అంశాలు చాలా ఉన్నాయని, అయితే వాటి గురించి మాట్లాడటానికి ఇది సరైన వేదిక కాదని ఆయన అభిప్రాయపడ్డారు. "చాలా విషయాలపై మాట్లాడాల్సి ఉంది. వాటి గురించి ఒక సమావేశం ఏర్పాటు చేసి మాట్లాడాల్సిన బాధ్యత నాపై ఉంది. తప్పకుండా ఆ పని చేస్తాను" అని కమల్ హాసన్ వెల్లడించారు.
ఇటీవల 'థగ్ లైఫ్' సినిమా ప్రచార కార్యక్రమంలో కమల్ హాసన్ కన్నడ భాషను ఉద్దేశించి చేసిన వ్యాఖ్యలు దుమారం రేపాయి. "కన్నడకు తమిళ భాష జన్మనిచ్చింది" అంటూ ఆయన చేసిన వ్యాఖ్యలపై కర్ణాటక వ్యాప్తంగా తీవ్ర వ్యతిరేకత వ్యక్తమైంది. కమల్ హాసన్ బేషరతుగా క్షమాపణ చెప్పాలని, లేకపోతే కర్ణాటకలో 'థగ్ లైఫ్' సినిమా విడుదలను అడ్డుకుంటామని కర్ణాటక ఫిల్మ్ ఛాంబర్ ఆఫ్ కామర్స్ హెచ్చరించింది.
అయితే, తాను తప్పు చేయలేదని, కాబట్టి క్షమాపణ చెప్పే ప్రసక్తే లేదని కమల్ హాసన్ చెప్పారు. ఈ వివాదంపై ఆయన కర్ణాటక హైకోర్టును కూడా ఆశ్రయించారు. దీనిపై విచారణ జరిపిన న్యాయస్థానం, కమల్ హాసన్ తీరుపై అసంతృప్తి వ్యక్తం చేసింది. "మీరేమైనా చరిత్రకారులా? ఏ ఆధారాలతో ఈ వ్యాఖ్యలు చేశారు?" అని ఉన్నత న్యాయస్థానం ప్రశ్నించింది. ఈ విషయంలో కేవలం ఒక క్షమాపణ చెబితే సమస్య మొత్తం పరిష్కారమవుతుందని కూడా కోర్టు సూచించింది.
