Sudha Murthy: భర్తకు అండగా రంగంలోకి సుధామూర్తి
యువత వారానికి 70 గంటలు పనిచేయాలన్న ఇన్ఫీ నారాయణమూర్తి సూచన కలకలానికి దారి తీసింది. వ్యక్తిగత, వృత్తిగత జీవితాల మధ్య సమతౌల్యం అవసరం లేదా? అన్ని గంటలు పనిచేస్తే ఆరోగ్యం చెడిపోతుంది కదా? అంటూ పలువురు ఆగ్రహంతో వాదనకు దిగారు. ఈ నేపథ్యంలో భర్తకు అండగా సుధామూర్తి రంగంలోకి దిగారు. తన భర్త నిత్యం ఆచరించేదే యువతకు సూచించారని తాజాగా పేర్కొన్నారు.
జీవితంలో కష్టించి పనిచేస్తేనే విజయం సాధ్యమని తన భర్త బలంగా నమ్ముతారని సుధామూర్తి చెప్పుకొచ్చారు. నారాయణ మూర్తి స్వయంగా వారానికి దాదాపు 90 గంటలు పనిచేస్తారని తెలిపారు. ‘‘ఆయన వారంలో 80-90 గంటలు పనికే కేటాయిస్తారు. అంతకంటే తక్కువ పనిచేయడం అంటే ఏంటో ఆయనకు తెలీదు. మనిషి కష్టించి పనిచేయాలనేది ఆయన నమ్మకం. తన జీవితమంతా ఇలాగే గడిపారు. తన మనసుకు అనిపించిందే చెప్పారు’’ అని సుధామూర్తి స్పష్టం చేశారు. నారాయణమూర్తి తన జీవితానుభవాన్నే యువతతో పంచుకున్నారని చెప్పుకొచ్చారు.
జీవితంలో కష్టించి పనిచేస్తేనే విజయం సాధ్యమని తన భర్త బలంగా నమ్ముతారని సుధామూర్తి చెప్పుకొచ్చారు. నారాయణ మూర్తి స్వయంగా వారానికి దాదాపు 90 గంటలు పనిచేస్తారని తెలిపారు. ‘‘ఆయన వారంలో 80-90 గంటలు పనికే కేటాయిస్తారు. అంతకంటే తక్కువ పనిచేయడం అంటే ఏంటో ఆయనకు తెలీదు. మనిషి కష్టించి పనిచేయాలనేది ఆయన నమ్మకం. తన జీవితమంతా ఇలాగే గడిపారు. తన మనసుకు అనిపించిందే చెప్పారు’’ అని సుధామూర్తి స్పష్టం చేశారు. నారాయణమూర్తి తన జీవితానుభవాన్నే యువతతో పంచుకున్నారని చెప్పుకొచ్చారు.
