Rajinikanth: తాను కండక్టర్గా పని చేసిన బస్ డిపోను సందర్శించిన రజనీకాంత్.. ఇవిగో ఫొటోలు!
- సినిమాల్లోకి రాకముందు బస్సు కండక్టర్గా పని చేసిన రజనీకాంత్
- బెంగళూరులో జయనగర్ బీఎంటీసీ డిపోకు వెళ్లిన సూపర్ స్టార్
- ఎంతో సంతోషం వ్యక్తం చేసిన సిబ్బంది.. ఫొటోలు వైరల్
‘జైలర్’ సినిమాతో ఇటీవల హిట్ అందుకున్నారు సౌతిండియా సూపర్స్టార్ రజనీకాంత్. రూ.600 కోట్ల వసూళ్లతో ఈ చిత్రం దూసుకుపోతోంది. మరోవైపు హిట్, ఫ్లాప్తో సంబంధం లేకుండా ముందుకు సాగుతుంటారు రజనీకాంత్. నిరాడంబరంగా గడుపుతుంటారు. తన మూలాలను ఎన్నడూ మరచిపోలేదు. ఈ నేపథ్యంలో తాను గతంలో పని చేసిన సంస్థను సందర్శించారు రజనీకాంత్.
సినిమాల్లోకి రాకముందు ఆయన బస్సు కండక్టర్గా పని చేసిన విషయం తెలిసిందే. కర్ణాటక రాజధాని బెంగళూరులో జయనగర్ బీఎంటీసీ డిపోలో ఆయన పని చేసేవారు. ఈ రోజు అక్కడికి వెళ్లారు. అకస్మాత్తుగా రజనీకాంత్ను చూసిన సిబ్బంది ఆనందానికి అవధుల్లేవు. చాలా సంతోషం వ్యక్తం చేశారు. సెల్ఫీలు తీసుకున్నారు. వారితో రజనీకాంత్ కొద్దిసేపు ముచ్చటించారు. ఇందుకు సంబంధించిన వీడియోలు, ఫొటోలు సోషల్ మీడియాలో వైరల్ అవుతున్నాయి.
