ఓటీటీలోకి వచ్చేస్తున్న ‘బ్రో’.. ఎప్పటి నుంచంటే!

మేనల్లుడితో పవన్ కల్యాణ్ కలిసి నటించిన కొత్త సినిమా ‘బ్రో’ థియేటర్లలో విడుదలై హిట్ టాక్ తెచ్చుకుంది. తాజాగా ఈ సినిమా ఓటీటీలో సందడి చేసేందుకు సిద్ధమవుతోంది. ఈ మూవీ డిజిటల్ స్ట్రీమింగ్ హక్కులను ప్రముఖ ఓటీటీ ప్లాట్ ఫాం నెట్ ఫ్లిక్స్ సొంతం చేసుకుంది. ఈ నెల 25 నుంచి బ్రో సినిమాను స్ట్రీమింగ్ చేయనున్నట్లు ప్రకటించింది. సముద్రఖని దర్శకత్వంలో తెరకెక్కిన ఈ సినిమాలో సుప్రీం హీరో సాయి ధరమ్ తేజ్ హీరోగా, కేతిక శర్మ, ప్రియాంక వారియర్‌ హీరోయిన్లుగా నటించారు. జులై 28న థియేటర్లలో విడుదలైన ఈ సినిమా కేవలం మూడు రోజుల్లోనే వంద కోట్ల వసూళ్లను సాధించింది. 

బ్రో ఓటీటీ రిలీజ్ కోసం పవన్ ఫ్యాన్స్ తో పాటు సాయి ధరమ్ తేజ్ అభిమానులు కూడా ఆసక్తిగా ఎదురుచూస్తున్నారు. ఈ నేపథ్యంలోనే బ్రో.. ది అవతార్ సినిమా ఓటీటీ రిలీజ్ కు సంబంధించి నెట్ ఫ్లిక్స్ తాజాగా అప్ డేట్ ప్రకటించింది. ఈ నెల 25 నుంచి స్ట్రీమింగ్ చేయనున్నట్లు వెల్లడించింది. కాగా, తొలుత ఈ సినిమాను పవన్ కల్యాణ్ పుట్టిన రోజు సందర్భంగా సెప్టెంబర్ 2న స్ట్రీమింగ్ చేస్తారని ప్రచారం జరిగింది. అయితే, వారం రోజుల ముందే స్ట్రీమింగ్ చేయనున్నట్లు నెట్ ఫ్లిక్స్ తాజాగా ట్వీట్ చేసింది.