ఒరిజినల్ గ్యాంగ్ స్టర్ వచ్చేశాడు!

వరుస సినిమాలతో పవర్ స్టార్ పవన్ కల్యాణ్ బిజీ అయిపోయారు. ఇటీవలే ‘వినోదాయ సిత్తం’ చిత్రాన్ని కంప్లీట్ చేశారు. తాజాగా మరో మూవీని స్టార్ట్ చేశారు. ఈ రోజు ‘ఓజీ’ మూవీ సెట్స్ లోకి అడుగుపెట్టారు. ఈ విషయాన్ని చిత్ర నిర్మాణ సంస్థ ట్విట్టర్ లో షేర్ చేసింది. ‘సెట్స్ లోకి ఓజీ అడుగుపెట్టాడు’ అని క్యాప్షన్ ఇచ్చింది. పవన్ ఫొటోను షేర్ చేసింది. అంతకుముందు ‘మేక్ వే ఫర్ ది ఓజీ’ అంటూ ఓ కాన్సెప్ట్ పోస్టర్ ను ట్వీట్ చేసింది.

‘ఓజీ’ సినిమాను పవన్ అభిమాని, యువ దర్శకుడు సుజీత్ తెరకెక్కిస్తున్నాడు. భారీ యాక్షన్ ఎంటర్ టైనర్ గా ఈ మూవీని రూపొందిస్తున్నాడు. మూడు రోజుల కిందట ముంబైలో ఈ సినిమా రెగ్యులర్‌ షూట్‌ మొదలైంది. ఇదే విషయాన్ని తెలియజేస్తూ చిత్ర నిర్మాణ సంస్థ డీవీవీ ఎంటర్‌టైన్‌మెంట్స్‌ ఓ ప్రత్యేక వీడియోను షేర్‌ చేసింది. ఈ సినిమాకు థమన్ సంగీతం అందిస్తున్నారు.