Malavika Sharma: అందాల చందమామ .. మాళవిక శర్మ: లేటెస్ట్ పిక్స్

కొంతమంది కథానాయికలకు తొలి సినిమాతోనే హిట్ పడుతుంది. రెండో సినిమాతోనే క్రేజ్ పెరుగుతుంది. ఇక కృతి శెట్టి మాదిరిగా మొదటి మూడు సినిమాలతోనే హ్యాట్రిక్ హిట్ కొట్టినవారు కూడా ఉన్నారు. కానీ మరికొంతమంది కథానాయికల విషయంలో సక్సెస్ అనేది ముఖం చాటేస్తూ ఉంటుంది. అలా సక్సెస్ కి దూరంగా ఉన్న హీరోయిన్స్ లో మాళవిక శర్మ ఒకరుగా కనిపిస్తుంది.గ్లామర్ అనేది హీరోయిన్స్ ఎంట్రీకి మాత్రమే ఉపయోగపడుతుంది. ఆ తరువాత హిట్ పడాలన్నా .. నిలదొక్కుకోవాలన్నా, అభినయం తెలియాల్సిందే .. అదృష్టం కూడా కలిసి రావలసిందే. అలాంటి అదృష్టం కోసం ఎదురుచూస్తున్న కథానాయికల జాబితాలో మాళవిక శర్మ పేరు కూడా ముందువరుసలోనే ఉంటుంది. 

చూడటానికి మాళవిక దాన్నిమ్మ మొగ్గలా ఉంటుంది. చక్కని కనుముక్కుతీరుతో ఇట్టే ఆకట్టుకుంటుంది. అయితే 'నేల టిక్కెట్టు' .. 'రెడ్' సినిమా ఫ్లాపుల కారణంగా, అవకాశాలు ఆమె వైపు వెళ్లడం లేదు. అయినా ఆమె ప్రయత్నాలు మానలేదు. లేటెస్ట్ గా వదిలిన పిక్స్ లో ఆమె అందాల చందమామ మాదిరిగానే కనిపిస్తోంది. రామ్ .. నితిన్ .. నాగశౌర్య వంటి హీరోల జోడీగా ఈ బ్యూటీ సెట్ అవుతుందనిపిస్తుంది. ఈ ఏడాదిలోనైనా ఈ అందానికి అదృష్టం తోడవుతుందేమో చూడాలి మరి.