Devi Sri Prasad: 'వాల్తేర్ వీరయ్య' ఫస్ట్ సాంగ్ ఇప్పుడే చూశాను... మైండ్ బ్లోయింగ్!: దేవిశ్రీ ప్రసాద్
- చిరంజీవి హీరోగా బాబీ దర్శకత్వంలో వాల్తేర్ వీరయ్య
- ఆసక్తికరమైన అప్ డేట్ ఇచ్చిన దేవిశ్రీ
- చిరు ఎనర్జిటిక్ గా డ్యాన్స్ చేశారని వెల్లడి
- ఫస్ట్ సింగిల్ ఈ వారంలో వస్తుందని వివరణ
మెగాస్టార్ చిరంజీవి హీరోగా బాబీ దర్శకత్వంలో తెరకెక్కుతున్న చిత్రం వాల్తేర్ వీరయ్య. ఈ మాస్ యాక్షన్ ఎంటర్టయినర్ కు ఇటీవలే టైటిల్ ఫిక్స్ చేయగా, సినిమాపై విపరీతమైన హైప్ నెలకొంది.
కాగా, ఈ చిత్రానికి సంగీతం అందిస్తున్న దేవిశ్రీ ప్రసాద్ ఆసక్తికరమైన అప్ డేట్ అందించారు. వాల్తేర్ వీరయ్య ఫస్ట్ సాంగ్ చూశానని, మైండ్ బ్లోయింగ్ అని వెల్లడించారు. ఈ పాటలో చిరంజీవి ఎనర్జిటిక్ గా డ్యాన్స్ చేశారని దేవిశ్రీ వెల్లడించారు.
ఈ వార్తను లీక్ చేయకుండా కంట్రోల్ చేసుకోలేకపోతున్నానని తెలిపారు. వాల్తేర్ వీరయ్య నుంచి ఫస్ట్ సింగిల్ ఈ వారంలో రిలీజ్ అవుతుందని తెలిపారు. అభిమానులూ... పార్టీకి రెడీగా ఉండండి... ఎందుకంటే ఇది బాస్ పార్టీ అని దేవిశ్రీ ప్రసాద్ ట్వీట్ చేశారు.
కాగా, ఈ పాట సినిమాలో చిరు ఇంట్రడక్షన్ సాంగ్ అని తెలుస్తోంది. ఈ హుషారైన పాటలో మెగాస్టార్ సరసన బాలీవుడ్ ముద్దుగుమ్మ ఊర్వశి రౌతేలా నటించింది. ఈ పాటను ఇటీవలే హైదరాబాద్ నగర శివార్లలో ప్రత్యేక సెట్ వేసి చిత్రీకరించారు.
ఐటెం సాంగ్స్ అంటే దేవిశ్రీ ఎంత కిర్రెక్కించే ట్యూన్లు ఇస్తాడో తెలిసిందే. దాంతో వాల్తేర్ వీరయ్య ఫస్ట్ సింగిల్ పై విపరీతమైన ఆసక్తి నెలకొంది.
