లారక్ ద్వీపంపై అమెరికా డ్రోన్ దాడులు.. ప్రతీకారం తీర్చుకుంటామన్న ఇరాన్
- ఇరాన్లోని లారక్ ద్వీపంపై అమెరికా సైనిక దాడి
- రెండు ఇరానియన్ లాంచర్లను ధ్వంసం చేసినట్లు వెల్లడి
- సముద్రంలో మైన్స్ పెట్టేందుకు ఇరాన్ యత్నించిందని ఆరోపణ
- దాడిలో పలువురు మృతి, ప్రతీకారం తీర్చుకుంటామన్న ఇరాన్
- హర్మూజ్ జలసంధిలో పెరిగిన తీవ్ర ఉద్రిక్తత
అమెరికా, ఇరాన్ మధ్య మరోసారి ఉద్రిక్తతలు తీవ్ర స్థాయికి చేరాయి. ఇరాన్కు చెందిన లారక్ ద్వీపంపై అమెరికా సైనిక దళాలు దాడి చేశాయి. వ్యూహాత్మకంగా కీలకమైన హర్మూజ్ జలసంధిలో ఇరాన్ సముద్రపు మైన్లను అమర్చేందుకు ప్రయత్నించడంతో ఈ దాడి చేసినట్లు అమెరికా ప్రకటించింది. ఈ ఘటనతో పశ్చిమాసియాలో మళ్లీ ఉద్రిక్త వాతావరణం నెలకొంది.
యూఎస్ సెంట్రల్ కమాండ్ అధికార ప్రతినిధి టిమ్ హాకిన్స్ ఈ దాడిని ధ్రువీకరించారు. "ఇరాన్ ఇస్లామిక్ రివల్యూషనరీ గార్డ్ కార్ప్స్ (ఐఆర్జీసీ) దళాలు.. హర్మూజ్ జలసంధిలోకి సముద్రపు మైన్లతో కూడిన రాకెట్లను ప్రయోగించేందుకు సిద్ధమవుతున్నట్లు గుర్తించాం. ఈ ప్రాంతాన్ని నిశితంగా గమనిస్తున్నాం. వాణిజ్య నౌకల స్వేచ్ఛా రవాణాను పరిరక్షించడానికి సిద్ధంగా ఉన్నాం" అని ఆయన ఒక ప్రకటనలో తెలిపారు. ఈ దాడిలో రెండు ఇరానియన్ లాంచర్లను ధ్వంసం చేసినట్లు అమెరికా అధికారులు పేర్కొన్నారు. గత నెల రోజుల తర్వాత ఇరాన్ లక్ష్యాలపై అమెరికా దాడి చేయడం ఇదే తొలిసారి.
ఈ దాడిని ఐఆర్జీసీ ధ్రువీకరించింది. ఇది 'అమెరికా-ఇజ్రాయెల్' ఉమ్మడి దాడి అని ఆరోపించింది. ఈ ఘటనలో పలువురు సైనిక సిబ్బంది, సాధారణ పౌరులు మరణించారని తెలిపింది. దాడికి పాల్పడిన వారికి కఠిన శిక్ష తప్పదని ప్రతీకారం తీర్చుకుంటామని హెచ్చరించింది. అమెరికా డ్రోన్ దాడిలో కనీసం ఇద్దరు మరణించి, మరో ఇద్దరు గాయపడినట్లు ఇరాన్కు చెందిన అనధికారిక వార్తా సంస్థలు నివేదించాయి.
ఇటీవల అమెరికా సైన్యం హర్మూజ్ జలసంధిలోని అంతర్జాతీయ షిప్పింగ్ మార్గాల నుంచి సముద్రపు మైన్లను తొలగించింది. ఈ ఆపరేషన్ ముగిసిన కొద్ది రోజులకే ఇరాన్ మళ్లీ మైన్లను అమర్చేందుకు సిద్ధమవడంతో అమెరికా ఈ దాడికి దిగింది. సముద్రంలో మైన్లను అమర్చడంపై 'జీరో టాలరెన్స్' విధానాన్ని అనుసరిస్తున్నామని, అలాంటి ప్రయత్నాలకు పాల్పడే ఏ నౌకనైనా తక్షణమే ధ్వంసం చేస్తామని అమెరికా అధ్యక్షుడు డొనాల్డ్ ట్రంప్ గతంలోనే ఇరాన్ను హెచ్చరించారు. తాజా ఘటనతో ఇరు దేశాల మధ్య వైరం మరింత ముదిరినట్లయింది.
యూఎస్ సెంట్రల్ కమాండ్ అధికార ప్రతినిధి టిమ్ హాకిన్స్ ఈ దాడిని ధ్రువీకరించారు. "ఇరాన్ ఇస్లామిక్ రివల్యూషనరీ గార్డ్ కార్ప్స్ (ఐఆర్జీసీ) దళాలు.. హర్మూజ్ జలసంధిలోకి సముద్రపు మైన్లతో కూడిన రాకెట్లను ప్రయోగించేందుకు సిద్ధమవుతున్నట్లు గుర్తించాం. ఈ ప్రాంతాన్ని నిశితంగా గమనిస్తున్నాం. వాణిజ్య నౌకల స్వేచ్ఛా రవాణాను పరిరక్షించడానికి సిద్ధంగా ఉన్నాం" అని ఆయన ఒక ప్రకటనలో తెలిపారు. ఈ దాడిలో రెండు ఇరానియన్ లాంచర్లను ధ్వంసం చేసినట్లు అమెరికా అధికారులు పేర్కొన్నారు. గత నెల రోజుల తర్వాత ఇరాన్ లక్ష్యాలపై అమెరికా దాడి చేయడం ఇదే తొలిసారి.
ఈ దాడిని ఐఆర్జీసీ ధ్రువీకరించింది. ఇది 'అమెరికా-ఇజ్రాయెల్' ఉమ్మడి దాడి అని ఆరోపించింది. ఈ ఘటనలో పలువురు సైనిక సిబ్బంది, సాధారణ పౌరులు మరణించారని తెలిపింది. దాడికి పాల్పడిన వారికి కఠిన శిక్ష తప్పదని ప్రతీకారం తీర్చుకుంటామని హెచ్చరించింది. అమెరికా డ్రోన్ దాడిలో కనీసం ఇద్దరు మరణించి, మరో ఇద్దరు గాయపడినట్లు ఇరాన్కు చెందిన అనధికారిక వార్తా సంస్థలు నివేదించాయి.
ఇటీవల అమెరికా సైన్యం హర్మూజ్ జలసంధిలోని అంతర్జాతీయ షిప్పింగ్ మార్గాల నుంచి సముద్రపు మైన్లను తొలగించింది. ఈ ఆపరేషన్ ముగిసిన కొద్ది రోజులకే ఇరాన్ మళ్లీ మైన్లను అమర్చేందుకు సిద్ధమవడంతో అమెరికా ఈ దాడికి దిగింది. సముద్రంలో మైన్లను అమర్చడంపై 'జీరో టాలరెన్స్' విధానాన్ని అనుసరిస్తున్నామని, అలాంటి ప్రయత్నాలకు పాల్పడే ఏ నౌకనైనా తక్షణమే ధ్వంసం చేస్తామని అమెరికా అధ్యక్షుడు డొనాల్డ్ ట్రంప్ గతంలోనే ఇరాన్ను హెచ్చరించారు. తాజా ఘటనతో ఇరు దేశాల మధ్య వైరం మరింత ముదిరినట్లయింది.
