Sharwanand: అందుకే అఖిల్ ఆ ప్రీ రిలీజ్ ఈవెంట్ కి రాలేదట!

శర్వానంద్ హీరోగా .. అమల అక్కినేని కీలకమైన పాత్రలో నటించిన 'ఒకే ఒక జీవితం' ఈ నెల 9వ తేదీన థియేటర్లకు వచ్చింది. ఓపెనింగ్స్ డల్ గా ఉన్నప్పటికీ, ఆ తరువాత నుంచి మౌత్ టాక్ తో పుంజుకుంది. ఈ సినిమా చూసిన నాగార్జున ఎమోషనల్ కావడం .. ఇకపై శర్వానంద్ కూడా మా కొడుకులాంటివాడే అని చెప్పడం విశేషం.

అయితే ఈ సినిమా ప్రీ రిలీజ్ ఈవెంట్ కి చీఫ్ గెస్టుగా అఖిల్ వస్తాడని ప్రకటించారుగానీ ఆయన రాలేదు. ఫంక్షన్ చివర్లో వస్తాడేమోనని ఎదురుచూసినవారికి నిరాశే ఎదురైంది. దాంతో కారణం ఏమై ఉంటుందబ్బా అని అంతా అనుకున్నారు. తాజా ఇంటర్వ్యూలో దర్శకుడు శ్రీకార్తీక్ మాట్లాడుతూ ఆ విషయాన్ని గురించి ప్రస్తావించాడు. 

ఈ సినిమా చూసి అఖిల్ చాలా ఎమోషనల్ అయ్యాడు. ఆ తరువాత ఆయన మామూలు మనిషి కావడానికి రెండు రోజులు పట్టింది. ఈ సినిమా ప్రీ రిలీజ్ ఈవెంట్ కి వస్తే ఎమోషనల్ గా తనని తాను కంట్రోల్ చేసుకోవడం కష్టమని భావించే ఆయన ఆ ఆలోచనను విరమించుకున్నాడు" అని శ్రీ కార్తీక్ చెప్పాడు.