England: బర్మింగ్ హామ్ టెస్టులో పోరాడుతున్న ఇంగ్లండ్... లంచ్ విరామానికి 200/6

బర్మింగ్ హామ్ లో టీమిండియాతో జరుగుతున్న టెస్టులో ఆతిథ్య ఇంగ్లండ్ పోరాడుతోంది. టీమిండియా తొలి ఇన్నింగ్స్ లో 416 పరుగులు చేయగా, మూడో రోజు ఆటలో లంచ్ విరామానికి ఇంగ్లండ్ 6 వికెట్లకు 200 పరుగులు చేసింది. తొలి సెషన్ లో బెయిర్ స్టో ఆటే హైలైట్. 

ప్రస్తుతం బెయిర్ స్టో 91 పరుగులతో ఆడుతున్నాడు. 113 బంతులు ఎదుర్కొన్న బెయిర్ స్టో 12 ఫోర్లు, 2 సిక్సులు కొట్టాడు. అతడికి జోడీగా శామ్ బిల్లింగ్స్ 7 పరుగులతో క్రీజులో ఉన్నాడు. టీమిండియా తొలి ఇన్నింగ్స్ స్కోరుకు ఇంగ్లండ్ ఇంకా 216 పరుగులు వెనుకబడి ఉంది.