Nikhil: 'కార్తికేయ' దర్శకుడితో నిఖిల్ మూడో సినిమా!

  • వరుస సినిమాలతో బిజీగా ఉన్న నిఖిల్ 
  • వచ్చే నెల 22వ తేదీన 'కార్తికేయ 2' విడుదల 
  • సెప్టెంబర్ లో ప్రేక్షకుల ముందుకు రానున్న '18 పేజెస్'
  • వచ్చే ఏడాది ఆరంభంలో పలకరించనున్న 'స్పై'  
Nikhil movies update

చందూ మొండేటి దర్శకత్వంలో ఆ మధ్య నిఖిల్ చేసిన 'కార్తికేయ' భారీ విజయాన్ని సాధించింది. సుబ్రహ్మణ్యస్వామి ఆలయం నేపథ్యంలో జరిగిన ఈ కథకి విశేషమైన ఆదరణ లభించింది. దాంతో ఆ సినిమాకి సీక్వెల్ గా 'కార్తీకేయ 2' సినిమా నిర్మితమైంది. వచ్చేనెల 22వ తేదీన భారీ స్థాయిలో ఈ సినిమా విడుదల కానుంది.

ఇక ఈ ఇద్దరి కాంబినేషన్లో మరో సినిమా రూపొందనుందని అంటున్నారు. ఈ సినిమాకి సంబంధించిన స్క్రిప్ట్ పై గట్టిగానే కసరత్తు జరుగుతోందని చెబుతున్నారు. ప్రస్తుతం నిఖిల్ ఒప్పుకున్న ప్రాజెక్టులు పూర్తయిన తరువాత ఈ సినిమా పట్టాలపైకి వెళ్లనుందని అంటున్నారు.  

నిఖిల్ నుంచి 'కార్తికేయ 2' తరువాత '18 పేజెస్' రానుంది. గీతా ఆర్ట్స్ 2 పై నిర్మితమైన ఈ సినిమాను సెప్టెంబర్లో విడుదల చేయనున్నారు. ఆ తరువాత సినిమాగా 'స్పై' లైన్లోనే ఉంది. గ్యారీ బీహెచ్ దర్శకత్వం వహిస్తున్న ఈ సినిమాను సాధ్యమైనంత త్వరగా పూర్తి చేయడానికి ప్రయత్నిస్తున్నారు. ఈ సినిమాకి సంబంధించిన అప్ డేట్స్ ఆసక్తిని పెంచుతున్నాయి.

More Telugu News