Sarkaru Vaari Paata: సెన్సార్ పనులు పూర్తి చేసుకున్న 'సర్కారు వారి పాట'

టాలీవుడ్ సూపర్ స్టార్ మహేశ్ బాబు, కీర్తి సురేశ్ జంటగా నటించిన చిత్రం సర్కారు వారి పాట. పరశురామ్ దర్శకత్వంలో తెరకెక్కిన ఈ చిత్రం తాజా సెన్సార్ పనులు పూర్తి చేసుకుంది. ఈ సినిమాకు సెన్సార్ బోర్డు U/A సర్టిఫికెట్ ఇచ్చింది. కాగా, ఈ సినిమా నిడివి 162 నిమిషాల 25 సెకన్లు. ఈ మేరకు చిత్ర నిర్మాణ సంస్థ మైత్రీ మూవీ మేకర్స్ సోషల్ మీడియాలో వెల్లడించింది. 

సర్కారు వారి పాట చిత్రం ఈ నెల 12న వరల్డ్ వైడ్ రిలీజ్ కానుంది. నిన్న ఈ చిత్రం ప్రీ రిలీజ్ ఈవెంట్ ను హైదరాబాదులో ఘనంగా నిర్వహించారు. ఈ చిత్రంలోని పాటలు ఇప్పటికే విశేష ప్రజాదరణ పొందాయి. తమన్ మ్యూజిక్ కు మహేశ్ అభిమానుల నుంచి భారీ స్పందన వస్తోంది. కళావతి, పెన్నీ పాటలు సోషల్ మీడియాను ఊపేయడం తెలిసిందే.