Congress: మరింత దిగజారిపోయిన కాంగ్రెస్... ఇక రెండు రాష్ట్రాలకే పరిమితం!

శతాబ్ద కాలానికి పైగా ఘన చరిత్ర కలిగి, గ్రాండ్ ఓల్డ్ పార్టీగా పిలవబడే కాంగ్రెస్ రోజురోజుకూ తన ప్రాభవాన్ని కోల్పోతోంది. ఎక్కడ ఎన్నికలు జరిగినా ఓటమిపాలు కావడం సాధారణ అంశంగా మారింది. ఇటీవల ఐదు రాష్ట్రాలలో జరిగిన ఎన్నికల ఫలితాలు ఈరోజు వెలువడుతున్నాయి. ఈ ఐదు రాష్ట్రాల్లో ఒక్క రాష్ట్రంలో కూడా అధికారంలోకి వచ్చే పరిస్థితిలో కాంగ్రెస్ లేదు.

 2012లో దేశంలో 13 రాష్ట్రాల్లో కాంగ్రెస్ అధికారంలో ఉంది. ఇప్పుడు కేవలం రెండు రాష్ట్రాలకే పరిమితం కానుంది. కేవలం రాజస్థాన్, చత్తీస్ ఘడ్ రాష్ట్రాల్లోనే కాంగ్రెస్ అధికారంలో ఉండనుంది. పార్టీని పూర్తి స్థాయిలో ప్రక్షాళన చేయాల్సిన అవసరం ఎంతైనా ఉందని రాజకీయ విశ్లేషకులు అంటున్నారు.