మ‌హారాష్ట్ర ప్ర‌భుత్వంపై మ‌రోసారి విరుచుకుప‌డ్డ హీరోయిన్ కంగ‌న

19-09-2021 Sun 10:23
  • థియేట‌ర్ల‌ను తెర‌వడానికి అనుమ‌తులు ఎందుకు ఇవ్వ‌రు?
  • దేశంలో క‌రోనా తగ్గుముఖం పట్టింది
  • అనేక‌ రాష్ట్రాల్లో థియేటర్లు తెరుచుకున్నాయి
  • మ‌హారాష్ట్ర స‌ర్కారు వివక్ష చూపుతోంది
kangana slams maha govt
మ‌హారాష్ట్ర ప్ర‌భుత్వంపై హీరోయిన్ కంగ‌నా ర‌నౌత్ మ‌రోసారి విరుచుకుప‌డ్డారు. ఆ రాష్ట్ర ప్ర‌భుత్వం థియేట‌ర్ల‌ను తెర‌వడానికి అనుమ‌తులు ఇవ్వ‌క‌పోవడం స‌రికాద‌ని ఆమె అన్నారు. దేశంలో క‌రోనా తగ్గుముఖం పట్ట‌డంతో అనేక‌ రాష్ట్రాలు థియేటర్లను తెరుచుకునేందుకు అనుమతినిచ్చాయ‌ని ఆమె చెప్పారు.

మహారాష్ట్ర ప్ర‌భుత్వం మాత్రం ఇందుకు అంగీక‌రించ‌పోవ‌డం సరికాద‌ని, సినీరంగంపై ఆ రాష్ట్ర స‌ర్కారు వివక్ష చూపుతోందని ఆమె ఆరోప‌ణ‌లు గుప్పించారు. ఇప్ప‌టికే చాలా సినిమాలు విడుదలకు సిద్ధ‌మ‌య్యాయ‌ని ఆమె అన్నారు. థియేటర్లు తెర‌వ‌డానికి ఒప్పుకోకుండా  వాటిని పూర్తిగా మూసేయాలని ఆ రాష్ట్ర స‌ర్కారు భావిస్తోంద‌ని ఆరోపించారు.

మ‌హారాష్ట్ర పభుత్వం సినీ పరిశ్రమని వివక్షతో చూస్తున్నప్పటికీ దీనిపై ఎవరూ మాట్లాడ‌క‌పోవ‌డం శోచ‌నీయ‌మ‌ని చెప్పారు. కాగా, కంగ‌నా ర‌నౌత్ న‌టించిన‌ ‘తలైవి’ సినిమా విడుద‌ల నేప‌థ్యంలోనూ మ‌హారాష్ట్ర‌లో ప్ర‌భుత్వం థియేట‌ర్ల‌ను తెర‌వడానికి అనుమ‌తులు ఇవ్వ‌లేదు.