Corona Virus: వ్యాక్సిన్ ఇలా కూడా ఇస్తారా?.. వైరల్ అవుతున్న వీడియో!

అవును, ఇప్పుడు ఇదే ప్రశ్న నెటిజన్లను వేధిస్తోంది. వ్యాక్సిన్ ఇవ్వకుండానే ఇచ్చినట్టు నమ్మిస్తున్న వీడియో ఇది. సోషల్ మీడియాలో వైరల్ అవుతున్న దీనిని చూసిన వారు ముక్కున వేలేసుకుంటున్నారు. వ్యాక్సిన్ తీసుకునేందుకు ఓ వ్యక్తి కూర్చున్నాడు. అతడి ఎడమ చేతి భుజానికి టీకా వేసేందుకు నర్స్ సిద్ధమైంది. తొలుత వ్యాక్సిన్ వేసే ప్రదేశాన్ని కాటన్‌తో క్లీన్ చేసింది. ఆ పై టీకా ఉన్న సిరంజిని అతడి చేతికి గుచ్చి వెంటనే తీసేసింది. మందును మాత్రం ఇంజక్ట్ చేయలేదు. లబ్ధిదారుడు మాత్రం తాను టీకా తీసుకున్నట్టే భావించాడు. టీకా పేరుతో జరుగుతున్న మోసాలను ఈ వీడియో కళ్లకు కడుతోంది. అయితే, ఈ ఘటన ఎక్కడ జరిగిందన్నది మాత్రం తెలియరాలేదు.