Taimur: సైఫ్ అలీఖాన్ ఇంటర్వ్యూ ఇస్తోంటే మధ్యలో వచ్చిన తైమూర్.. నవ్వాపుకోలేకపోయిన యాంకర్‌.. వీడియో వైరల్
- బాలీవుడ్‌ తారలు సైఫ్, క‌రీనా క‌పూర్‌ల కుమారుడు తైమూర్
- సీరియస్‌గా ఇంటర్వ్యూ ఇస్తోంటే వచ్చిన తైమూర్
- నవ్వుకున్న సైఫ్
బాలీవుడ్‌ తారలు సైఫ్ అలీఖాన్, క‌రీనా క‌పూర్‌ల కుమారుడు తైమూర్ అలీఖాన్ సామాజిక మాధ్యమాల్లో ఇప్పటికే స్టార్ అయిపోయాడు. ఆ చిన్నారికి సంబంధించిన ఫొటోలు, వీడియోలను జాతీయ మీడియా పదే పదే ప్రచురిస్తుంటుంది. తాజాగా, తైమూర్‌కు సంబంధించిన మరో వీడియో సామాజిక మాధ్యమాల్లో వైరల్ అవుతోంది.
తన తండ్రి సైఫ్ అలీ ఖాన్ ఇంట‌ర్వ్యూలో మాట్లాడుతోన్న సమయంలో మధ్యలో వ‌చ్చి డిస్టర్బ్‌ చేశాడు. ఈ వీడియో కడుపుబ్బా నవ్విస్తోంది. సీరియస్‌గా మాట్లాడుతోన్న సమయంలో మధ్యలో వచ్చిన తన కుమారుడిని చూసి సైఫ్ అలీ ఖాన్ కూడా న‌వ్వాడు. ప్రేక్షకులకు సారీ చెప్పి, తైమూర్‌కి కిస్‌ ఇచ్చాడు. దీంతో యాంకర్‌ కూడా నవ్వు ఆపుకోలేకపోయింది.
