Vishwak Sen: విష్వక్సేన్ కొత్త సినిమా లాంచ్ రేపే

విష్వక్సేన్ నుంచి ఇటీవల ప్రేక్షకుల ముందుకు 'హిట్' మూవీ వచ్చిన సంగతి తెలిసిందే. విష్వక్సేన్ పోలీస్ ఆఫీసర్ గా నటించిన ఈ సినిమా ఆయనకి మంచి పేరును తెచ్చిపెట్టింది. ఆ తరువాత సినిమాను చేయడానికి ఆయన సిద్ధమవుతున్నాడు. రేపు ఈ సినిమాను లాంచ్ చేస్తున్నారు. ఈ విషయాన్ని అధికారికంగా ప్రకటించారు.

లక్కీ మీడియా బ్యానర్లో బెక్కం వేణుగోపాల్ ఈ సినిమాను నిర్మిస్తున్నాడు. ఈ సినిమాతో నరేశ్ దర్శకుడిగా పరిచయమవుతున్నాడు. రాధన్ సంగీత దర్శకుడిగా వ్యవహరించనున్నాడు. ఇతర నటీనటుల వివరాలను .. సాంకేతిక నిపుణుల వివరాలను త్వరలోనే తెలియపరచనున్నారు. ఇప్పటికే మాస్ ఆడియన్స్ లో తనకంటూ ప్రత్యేకమైన గుర్తింపును తెచ్చుకున్న విష్వక్ సేన్, ఈ సినిమాతో తన క్రేజ్ ను మరింత పెంచుకుంటాడేమో చూడాలి.