Vishwak Sen: 'దిల్' రాజు నిర్మాణంలో విష్వక్సేన్ మూవీ

విష్వక్సేన్ నటుడిగా ఒక్కో మెట్టూ ఎక్కుతూ వస్తున్నాడు. ఇటీవల ఆయన నుంచి వచ్చిన 'హిట్' చిత్రం, నటుడిగా మంచి పేరు తెచ్చిపెట్టింది. పోలీస్ ఆఫీసర్ తరహా పాత్రలను సైతం ఆయన చక్కగా పోషించగలడని నిరూపించింది. ఆ తరువాత ఆయన 'దిల్' రాజు బ్యానర్లో చేయనుండటం విశేషం. నరేశ్ కొప్పల్లి ఈ సినిమా ద్వారా దర్శకుడిగా పరిచయం కానున్నాడు.

నరేశ్ వినిపించిన కథ కొత్తగా .. ఇంట్రెస్టింగ్ గా ఉండటంతో, ఈ సినిమా చేయడానికి 'దిల్' రాజు అంగీకరించాడని అంటున్నారు. ఈ సినిమాకి సహనిర్మాతగా బెక్కం వేణుగోపాల్ వ్యవహరించనున్నాడు. ఈ నెల 18వ తేదీన ఈ సినిమాను లాంచ్ చేయనున్నారు. ఆ వెంటనే రెగ్యులర్ షూటింగును కూడా ఆరంభిస్తారట. త్వరలోనే హీరోయిన్ .. ప్రతినాయకుడు వంటి వివరాలతో పాటు మిగతా వివరాలను వెల్లడించనున్నారు.