పెళ్లి తర్వాత ఐదారుగురితో సంబంధాలు నెరిపాను: పాక్ మాజీ క్రికెటర్ అబ్దుల్ రజాక్ సంచలన వ్యాఖ్యలు

పాకిస్థాన్ మాజీ క్రికెటర్ అబ్దుల్ రజాక్ సంచలన విషయాన్ని బయటపెట్టాడు. పెళ్లి తర్వాత కూడా తాను ఐదారుగురు అమ్మాయిలతో వివాహేతర సంబంధాలు నెరిపానని చెప్పాడు. అది కూడా ఏడాదిన్నర కాలంలోనే ఇదంతా జరిగిందన్నాడు. ఓ టీవీ ఇంటర్వ్యూలో రజాక్ మాట్లాడుతూ ఈ విషయం వెల్లడించాడు. రజాక్ వ్యాఖ్యలపై సోషల్ మీడియాలో పెను దుమారం రేగుతోంది. ఇటువంటి వ్యక్తులకు గౌరవం ఎలా లభిస్తుందని మండిపడుతున్నారు. ఇలాంటి వ్యాఖ్యలకు ప్రజలు నవ్వుతూ ఎలా చప్పట్లు కొడతారో? అని ఓ నెటిజన్ ప్రశ్నించాడు.

కాగా, రజాక్ మాట్లాడుతూ.. టీమిండియా ఆల్‌రౌండర్ హార్దిక్ పాండ్యాకు కోచింగ్ ఇచ్చి ప్రపంచంలోనే అత్యుత్తమ ఆల్‌రౌండర్‌గా తీర్చిదిద్దాలని ఉందన్నాడు. అలాగే, ప్రపంచకప్‌లో ఇంగ్లండ్ చేతిలో భారత పరాజయంపై వివాదాస్పద వ్యాఖ్యలు చేశాడు. మహ్మద్ షమీ ముస్లిం కాబట్టే ఈ మ్యాచ్‌లో బాగా రాణించాడని పేర్కొన్నాడు. రజాక్ వ్యాఖ్యలపై సర్వత్ర విమర్శలు వ్యక్తమవుతున్నాయి. అయితే, పాకిస్థాన్ సెమీస్ ఆశలకు భారత్ గండికొట్టిందన్న ఫ్రస్ట్రేషన్‌లోనే అతడీ వ్యాఖ్యలు చేసి ఉంటాడని భావిస్తున్నారు.