Rahul Gandhi: ఏపీలో అధికారంలోకి రావడం కష్టం.. తెలంగాణలో వస్తాం: రాహుల్ గాంధీ

రానున్న ఎన్నికల్లో ఏపీలో కాంగ్రెస్ పార్టీ అధికారంలోకి రావడం కష్టమని ఆ పార్టీ అధినేత రాహుల్ గాంధీ స్పష్టం చేశారు. అయితే, రాష్ట్రంలో బలపడతామని ఆయన అన్నారు. తెలంగాణలో మాత్రం అధికారంలోకి వస్తామనే ఆశాభావాన్ని వ్యక్తం చేశారు. హైదరాబాద్ పర్యటనలో ఉన్న రాహుల్... ఈ ఉదయం హరితప్లాజాలో మీడియా ముఖ్యులతో సమావేశమయ్యారు. ఈ సందర్భంగా ఆయన మాట్లాడుతూ, మహిళా రిజర్వేషన్ల బిల్లుకు తాము కట్టుబడి ఉన్నామని చెప్పారు. ఏపీ, తెలంగాణ రాష్ట్రాల్లో పొత్తులు స్థానిక నేతల అభిప్రాయాలకు అనుగుణంగానే ఉంటాయని తెలిపారు. కాంగ్రెస్ విధానాలను గౌరవించే పార్టీలతోనే పొత్తులు ఉంటాయని ఆయన చెప్పారు.