యాక్షన్ కామెడీ నేపథ్యంతో ఆకట్టుకుంటోన్న 'ఛలో' ట్రైలర్

నాగశౌర్య కథానాయకుడిగా వెంకీ కుడుముల దర్శకత్వంలో 'ఛలో' సినిమా తెరకెక్కింది. రష్మిక మందన కథానాయికగా నటించిన ఈ సినిమా, ఫిబ్రవరి 2వ తేదీన ప్రేక్షకుల ముందుకు రానుంది. ఈ నేపథ్యంలో ఈ సినిమా నుంచి తాజాగా వదిలిన ట్రైలర్ కి మంచి రెస్పాన్స్ వస్తోంది. హైదరాబాద్ నుంచి చదువుకోవడానికి తమిళనాడులోని 'తిరుప్పురం'లో హీరో అడుగుపెట్టడంతో ఈ ట్రైలర్ మొదలవుతుంది.

అక్కడ తెలుగు .. తమిళుల మధ్య చోటుచేసుకునే పరిణామాలను ఈ ట్రైలర్ లో చూపించారు. ప్రధాన పాత్రలను కవర్ చేస్తూ .. యాక్షన్ కామెడీ సీన్స్ పై కట్ చేసిన ఈ ట్రైలర్ అన్ని వర్గాల ప్రేక్షకులను ఆకట్టుకునేలా వుంది. హీరో హీరోయిన్స్ ను క్లాస్ మేట్స్ గా చూపిస్తూ కట్ చేసిన సీన్స్ యూత్ కి బాగా కనెక్ట్ అయ్యేలా వున్నాయి. చూస్తుంటే నాగశౌర్య  తన సొంత సినిమాతో హిట్ కొట్టేలానే వున్నాడు.