ద‌ర్శ‌కుడు సురేంద‌ర్ రెడ్డి కుమారుడితో కలిసి గుర్రంపై దౌడు తీస్తున్న రామ్ చ‌ర‌ణ్‌... వైర‌ల్ అవుతున్న ఫొటోలు!

ఇటీవ‌ల రామ్‌చ‌ర‌ణ్ గుర్ర‌పు స్వారీ చేస్తున్న ఫొటోలు సోష‌ల్ మీడియాలో వైర‌ల్ అవుతున్నాయి. ఆ ఫొటోల్లో రామ్ చ‌ర‌ణ్‌తో పాటు ఉన్న ఓ బాబు అంద‌రి దృష్టినీ ఆక‌ర్షిస్తున్నాడు. ఆ అబ్బాయి ఎవ‌రా? అని అభిమానులు, నెటిజ‌న్లు ఆరాలు తీయ‌డం మొద‌లుపెట్టారు. ఇంత‌కీ ఆ అబ్బాయి ఎవ‌రో తెలుసా?... ద‌ర్శకుడు సురేంద‌ర్ రెడ్డి కుమారుడు ఆరిక్ రెడ్డి.

రామ్ చ‌ర‌ణ్‌కి 'ధృవ' చిత్రంతో మంచి హిట్ ఇచ్చిన సురేంద‌ర్ రెడ్డి ప్ర‌స్తుతం చిరంజీవి న‌టిస్తోన్న 'సైరా' చిత్రానికి కూడా ద‌ర్శ‌క‌త్వం వ‌హిస్తున్న సంగ‌తి తెలిసిందే. సురేంద‌ర్ రెడ్డికి వ‌రుస‌గా మెగా ఫ్యామిలీతో అవ‌కాశం రావ‌డంతో ఇరు కుటుంబాలు చాలా ద‌గ్గ‌ర‌య్యాయ‌ట‌. ఇందులో భాగంగానే రామ్‌చ‌ర‌ణ్‌తో ఆరిక్ చ‌క్క‌ని అనుబంధాన్ని ఏర్ప‌రుచుకున్నాడు‌.