తనను వ్యతిరేకించే డీకే ఆరుణతో రేవంత్ చర్చలు!
- మహబూబ్ నగర్ జిల్లాలో ఇంతకాలం విమర్శలు ప్రతి విమర్శలు
- ఇప్పుడు కాంగ్రెస్ లో రేవంత్ చేరితే ఇద్దరూ ఒకే పార్టీలో
- రేవంత్ చేరికను వ్యతిరేకిస్తున్న డీకే అరుణ
- సర్దిచెప్పేందుకు ప్రయత్నిస్తున్న రేవంత్
రేవంత్ వస్తే, ఆయనకు పీసీసీ వర్కింగ్ ప్రెసిడెంట్ పదవి ఇవ్వవద్దని, ఎటువంటి షరతులు లేకుండా వస్తే మాత్రమే ఆహ్వానించాలని పలువురు కాంగ్రెస్ నేతలు అధిష్ఠానం వద్ద వ్యాఖ్యానించినట్టు తెలుస్తోంది. రేవంత్ తో పాటు భారీ ఎత్తున తెలుగుదేశం పార్టీ శ్రేణులు కాంగ్రెస్ లోకి వచ్చే అవకాశాలు ఉండటంతో ఆయనకు మంచి స్థానాన్ని కల్పించవచ్చని కాంగ్రెస్ పార్టీకి చెందిన మరికొందరు చెబుతున్నారు. ఇక తన రాకతో ఎవరికీ ఇబ్బందులు ఉండవని, అందరమూ కలసి ముందుకు సాగుదామని, తనను వ్యతిరేకించే నేతలకు రేవంత్ చెబుతున్నట్టు తెలుస్తోంది.
