కిందపడిన త్రివర్ణ పతాకం గుర్తును జేబులో భద్రపరుచుకున్న మోదీ.. భుజం తట్టిన ట్రంప్.. వీడియో వైరల్

International
Advertisement
  • మనీలా క్వాడ్ సదస్సుకు హాజరైన మోదీ
  • వేదికపై త్రివర్ణ పతాకం మార్కర్‌ను చేతుల్లోకి తీసుకుని జేబులో పెట్టుకున్న మోదీ
  • జాతీయ జెండా పట్ల భారత ప్రధాని చూపిన గౌరవాన్ని ఆసక్తిగా గమనించిన ప్రపంచ దేశాధినేతలు
  • ప్రధాని మోదీ చాలా దృఢమైన నాయకుడంటూ ప్రత్యేకంగా కొనియాడిన అమెరికా అధ్యక్షుడు ట్రంప్
ఫిలిప్పీన్స్‌ రాజధాని మనీలాలో జరిగిన క్వాడ్ (Quad) దేశాల శిఖరాగ్ర సదస్సులో భారత ప్రధాని నరేంద్ర మోదీ జాతీయ పతాకం పట్ల తనకున్న అపారమైన గౌరవాన్ని మరోసారి చాటుకున్నారు. సదస్సులో భాగంగా క్వాడ్ దేశాధినేతల ఉమ్మడి ఫోటో సెషన్ (ఫోటో-ఆప్) జరగడానికి కొద్ది సెకన్ల ముందు ఈ ఆసక్తికర పరిణామం చోటుచేసుకుంది.

వేదికపై నేతలు నిలబడాల్సిన స్థానాన్ని సూచించేందుకు నేలపై ఉంచిన భారత త్రివర్ణ పతాకం గుర్తు (ఫ్లోర్ మార్కర్)ను ప్రధాని మోదీ గమనించారు. వెంటనే ఆయన కిందకు వంగి, ఆ త్రివర్ణ మార్కర్‌ను ఎంతో గౌరవంగా చేతుల్లోకి తీసుకుని తన కోటు జేబులో భద్రపరుచుకున్నారు. అమెరికా అధ్యక్షుడు డొనాల్డ్ ట్రంప్, జపాన్ ప్రధాని సనాయ్ తకైచి, ఆస్ట్రేలియా ప్రధాని ఆంథోనీ అల్బనీస్ సమక్షంలోనే ఈ ఘటన జరిగింది. వారంతా మోదీ చేసిన పనిని ఆసక్తిగా తిలకించారు. పక్కనే ఉన్న ట్రంప్.. మోదీ భుజం తట్టారు. కొద్ది సెకన్ల నిడివి గల ఈ వీడియో ప్రస్తుతం సామాజిక మాధ్యమాల్లో విపరీతంగా వైరల్ అవుతోంది.

జాతీయ జెండా ప్రజల ఆత్మగౌరవానికి, దేశ సమైక్యతకు ప్రతీక అని ప్రధాని మోదీ గతంలో పలుమార్లు ప్రస్తావించిన విషయం తెలిసిందే. ఆజాదీ కా అమృత్ మహోత్సవ్‌లో భాగంగా ఆయన ప్రారంభించిన ‘హర్ ఘర్ తిరంగా’ కార్యక్రమం ద్వారా జాతీయ జెండాతో పౌరులకు వ్యక్తిగత అనుబంధాన్ని, దేశభక్తిని పెంపొందించే ప్రయత్నం చేశారు. అంతర్జాతీయ వేదికపై కూడా ఆయన జెండా పట్ల చూపిన ఈ మర్యాద అందరినీ ఆకట్టుకుంది.

అంతకుముందు జరిగిన క్వాడ్ సదస్సులో ప్రధాని మోదీ కీలక ప్రసంగం చేశారు. భారత్‌కు క్వాడ్ కూటమి అత్యంత నిర్మాణాత్మకమైన, విశ్వసనీయమైన భాగస్వామ్యమని ఆయన స్పష్టం చేశారు. మనీలా నగరానికి, క్వాడ్ కూటమికి చారిత్రక సంబంధం ఉందని గుర్తుచేస్తూ.. “2007లో నాలుగు దేశాల అధికారులు తొలిసారి ఈ మనీలా నగరంలోనే సమావేశమయ్యారు. ఆ తర్వాత 10 సంవత్సరాలకు, 2017లో మళ్లీ ఇక్కడే మన చర్చలు పునఃప్రారంభమయ్యాయి. నేడు మళ్లీ ఇదే చారిత్రక నగరంలో క్వాడ్ సదస్సు జరగడం ఒక ముఖ్యమైన మైలురాయి” అని పేర్కొన్నారు. సముద్ర భద్రత, సురక్షిత సరఫరా గొలుసులు, అత్యాధునిక సాంకేతిక పరిజ్ఞానాలు, విపత్తు స్పందన వంటి అనేక కీలక రంగాల్లో క్వాడ్ కూటమి విశ్వసనీయ పరిష్కారాలు చూపుతోందని తెలిపారు.

ఈ సమావేశంలో భారత విదేశాంగ మంత్రి ఎస్. జైశంకర్, జాతీయ భద్రతా సలహాదారు అజిత్ దోవల్, అమెరికా విదేశాంగ మంత్రి మార్కో రూబియో తదితర ఉన్నతాధికారులు కూడా పాల్గొన్నారు.

సమావేశం ముగిసిన అనంతరం మీడియా సమావేశంలో అమెరికా అధ్యక్షుడు డొనాల్డ్ ట్రంప్ ప్రధాని మోదీపై ప్రశంసలు కురిపించారు. మోదీని “వెరీ టఫ్ మ్యాన్” (చాలా గట్టి మనిషి) అంటూ కొనియాడారు. “నిజానికి ఆయన చాలా గట్టి వ్యక్తి. ఇక జపాన్ ప్రధాని తకైచి ఆయన కంటే ఇంకా గట్టివారేమో! ఇక మేము (తాను, ఆస్ట్రేలియా ప్రధాని అల్బనీస్) కూడా ఫర్వాలేదు, బాగానే ఉన్నాం” అంటూ ట్రంప్ సరదాగా వ్యాఖ్యానించారు. అమెరికా, భారత్, జపాన్, ఆస్ట్రేలియాలతో కూడిన ఈ క్వాడ్ కూటమి, ట్రంప్ ప్రస్తుత పదవీకాలంలో మొదటిసారిగా పూర్తిస్థాయిలో సమావేశం కావడం విశేషం.
Advertisement

సంబంధిత వార్తలు

Narendra ModiDonald TrumpIndian Tricolor FlagManila Quad SummitPM Modi Viral VideoNational Flag Respect

More Telugu News

భారత్ లో భారీ పెట్టుబడులకు అమెజాన్ సై.. పునరుత్పాదక రంగంపై ఫోకస్

17 Nov, 20:39

మా అన్న, సంక్షేమ సామ్రాట్ జగన్ ను కలిసి ఆశీస్సులు అందుకున్నాను: రోజా

17 Nov, 20:32

దేశీయ మార్కెట్లో తగ్గిన బంగారం, వెండి ధరలు

17 Nov, 20:20

"ఐపీఎల్ ఇక మునుపటిలా ఉండదు".. ధోనీ రిటైర్మెంట్ పై ఎవరేమన్నారంటే..!

17 Nov, 20:09

గత రెండు తుపాన్లతో పోలిస్తే అక్వాన్ ప్రభావం ఎక్కువగా ఉండొచ్చు: పవన్ కల్యాణ్

17 Nov, 20:05

ధనుష్, మమ్ముట్టిల భారీ యాక్షన్ మూవీ 'ఓం' సెన్సార్ పూర్తి

17 Nov, 19:56

'రాను బొంబాయికి రాను' ఫోక్ సాంగ్ సంచలనం.. బిలియన్ వ్యూస్ చేరువైంది!

17 Nov, 19:48

కెరీర్‌లో ఎదుగుదల కోరుకునే వారికి ఇది మంచి అవకాశం: సత్య నాదెళ్ల

17 Nov, 19:36

ముఖ్యమంత్రిని పెళ్లికి పిలిస్తే ఇలాంటి కథనం వేస్తారా?: సాక్షిపై లోకేశ్ ఫైర్

17 Nov, 19:15

శబరిమలలో తిరుపతి తరహా మెగా ప్రాజెక్టు.. కేరళ సీఎం కీలక ప్రకటన

17 Nov, 18:40

పులివెందుల నియోజకవర్గంలో టీడీపీ నేత కారుకు నిప్పు

17 Nov, 18:28

మణుగూరులో వరుస ప్రకంపనలు.. ఊగిన ఇళ్లు, హడలిపోయిన ప్రజలు

17 Nov, 18:12

స్వీట్లపై వెండి రేకు కాదు.. అల్యూమినియం! హైదరాబాద్‌లో ముఠా అరెస్టు

17 Nov, 17:57

కొత్త లుక్ తెచ్చినా వర్కౌట్ కాలేదు.. మార్కెట్ నుంచి తప్పుకొన్న పల్సర్ 180

17 Nov, 17:54
..More Telugu News