- సెప్టెంబర్‌ 17న తీసుకున్న నిర్ణయం చెల్లదని అభ్యంతరం
- బోర్డు సమావేశానికి సంబంధించిన పత్రాలను ఏడు రోజుల్లో ఇవ్వాలని డిమాండ్‌
- హన్నో వన్‌-టీవీఎస్‌ మోటార్‌ వ్యాపార సంబంధాలపై వివరణ కోరిన నోయెల్‌
- వేణు శ్రీనివాసన్‌ పాత్రపైనా ప్రయోజనాల సంఘర్షణ కోణంలో ప్రశ్నలు
- సమావేశ వీడియో, ఓటింగ్‌ వివరాలు, న్యాయ సలహాల ప్రతులు ఇవ్వాలని డిమాండ్‌
టాటా గ్రూప్‌లో కీలక పదవి చుట్టూ వివాదం మరింత ముదిరింది. టాటా సన్స్‌ ఎగ్జిక్యూటివ్‌ ఛైర్మన్‌గా ఎన్‌. చంద్రశేఖరన్‌ పునర్నియామకాన్ని టాటా ట్రస్ట్స్‌ ఛైర్మన్‌ నోయెల్‌ టాటా మరోసారి సవాలు చేశారు. బోర్డు సమావేశంలో అనుసరించిన విధానంపై అభ్యంతరాలు వ్యక్తం చేశారు. టీవీఎస్‌ మోటార్‌తో చంద్రశేఖరన్‌ కుటుంబానికి చెందిన సంస్థకు ఉన్న వ్యాపార సంబంధాల గురించి బోర్డుకు ముందే సమాచారం ఇచ్చారా? అని నోయెల్‌ ప్రశ్నించారు. ఈ అంశాలపై వివరణ ఇవ్వడంతోపాటు కీలక పత్రాలను ఏడు రోజుల్లో అందించాలని కోరారు.
పునర్నియామకంపై అభ్యంతరాలు
అక్టోబర్‌ 26న టాటా సన్స్‌ కంపెనీ కార్యదర్శి సుప్రకాశ్‌ ముఖోపాధ్యాయకు నోయెల్‌ ఎనిమిది పేజీల లేఖ రాశారు. సెప్టెంబర్‌ 17న చంద్రశేఖరన్‌ పునర్నియామకానికి ఆమోదం తెలుపుతూ తీసుకున్న నిర్ణయం చెల్లదని అందులో పేర్కొన్నారు. సమావేశ ఎజెండాలో ఈ అంశాన్ని స్పష్టంగా చేర్చలేదని అభ్యంతరం వ్యక్తం చేశారు. అవసరమైన ఎంపిక కమిటీని ఏర్పాటు చేయలేదని, ఓటింగ్‌ ప్రక్రియలోనూ నిబంధనలు పాటించలేదని ఆరోపించారు.
టీవీఎస్‌ మోటార్‌ లావాదేవీలపై ప్రశ్నలు
చంద్రశేఖరన్‌ భార్య లలిత, కుమారుడు ప్రణవ్‌ డైరెక్టర్లుగా ఉన్న హన్నో వన్‌ వేర్‌హౌసింగ్‌ సంస్థతో టీవీఎస్‌ మోటార్‌కు వ్యాపార సంబంధాలున్నట్లు వార్తలు వచ్చాయి. హోసూరు సమీపంలో 17.41 ఎకరాల భూమిని 29 ఏళ్లకు లీజుకు తీసుకుని, సుమారు రూ.106 కోట్లతో భవన నిర్మాణం చేపడుతున్నట్లు సమాచారం. ఈ ప్రాజెక్టుకు సంబంధించి రూ.27 కోట్ల ముందస్తు చెల్లింపు జరిగినట్లు నివేదికలు పేర్కొన్నాయి. మైసూరు సమీపంలో రూ.330 కోట్ల పారిశ్రామిక పార్కు ప్రాజెక్టు అంశాన్నీ నోయెల్‌ తన లేఖలో ప్రస్తావించారు. ఈ వ్యవహారాలపై బోర్డుకు ముందుగానే సమాచారం ఇచ్చారా? అన్నది తేల్చాలని కోరారు.
వేణు శ్రీనివాసన్‌ పాత్రపైనా అభ్యంతరం
టీవీఎస్‌ మోటార్‌ గౌరవ ఛైర్మన్‌ వేణు శ్రీనివాసన్‌ టాటా సన్స్‌ బోర్డులో డైరెక్టర్‌గా ఉన్నారు. చంద్రశేఖరన్‌ పునర్నియామకంపై చర్చల్లో పాల్గొని, ఆమోదంగా ఓటు వేశారని నోయెల్‌ పేర్కొన్నారు. హన్నో వన్‌తో టీవీఎస్‌ మోటార్‌కు ఉన్న వ్యాపార సంబంధాలపై పూర్తి వివరాలు వెల్లడించకుండా ఈ ప్రక్రియలో పాల్గొనడం సముచితమేనా? అని ప్రశ్నించారు. ఈ అంశంపై సమావేశ రికార్డులు, ప్రయోజనాల వెల్లడికి సంబంధించిన పత్రాలను అందించాలని కోరారు.
కీలక పత్రాలు ఇవ్వాలని డిమాండ్‌
సెప్టెంబర్‌ 17న జరిగిన బోర్డు సమావేశానికి సంబంధించిన అసలు వీడియో, ఆడియో రికార్డులు, సమావేశ మినిట్స్‌, డైరెక్టర్ల ఓటింగ్‌ వివరాలు, న్యాయ సలహాల ప్రతులను నోయెల్‌ కోరారు. పునర్నియామకానికి సంబంధించిన తీర్మానాన్ని కంపెనీల రిజిస్ట్రార్‌కు పంపే ముందు సమావేశ మినిట్స్‌ ఖరారు కాలేదని కూడా అభ్యంతరం వ్యక్తం చేశారు.
పునర్నియామకంపై అభ్యంతరాలు
అక్టోబర్‌ 26న టాటా సన్స్‌ కంపెనీ కార్యదర్శి సుప్రకాశ్‌ ముఖోపాధ్యాయకు నోయెల్‌ ఎనిమిది పేజీల లేఖ రాశారు. సెప్టెంబర్‌ 17న చంద్రశేఖరన్‌ పునర్నియామకానికి ఆమోదం తెలుపుతూ తీసుకున్న నిర్ణయం చెల్లదని అందులో పేర్కొన్నారు. సమావేశ ఎజెండాలో ఈ అంశాన్ని స్పష్టంగా చేర్చలేదని అభ్యంతరం వ్యక్తం చేశారు. అవసరమైన ఎంపిక కమిటీని ఏర్పాటు చేయలేదని, ఓటింగ్‌ ప్రక్రియలోనూ నిబంధనలు పాటించలేదని ఆరోపించారు.
టీవీఎస్‌ మోటార్‌ లావాదేవీలపై ప్రశ్నలు
చంద్రశేఖరన్‌ భార్య లలిత, కుమారుడు ప్రణవ్‌ డైరెక్టర్లుగా ఉన్న హన్నో వన్‌ వేర్‌హౌసింగ్‌ సంస్థతో టీవీఎస్‌ మోటార్‌కు వ్యాపార సంబంధాలున్నట్లు వార్తలు వచ్చాయి. హోసూరు సమీపంలో 17.41 ఎకరాల భూమిని 29 ఏళ్లకు లీజుకు తీసుకుని, సుమారు రూ.106 కోట్లతో భవన నిర్మాణం చేపడుతున్నట్లు సమాచారం. ఈ ప్రాజెక్టుకు సంబంధించి రూ.27 కోట్ల ముందస్తు చెల్లింపు జరిగినట్లు నివేదికలు పేర్కొన్నాయి. మైసూరు సమీపంలో రూ.330 కోట్ల పారిశ్రామిక పార్కు ప్రాజెక్టు అంశాన్నీ నోయెల్‌ తన లేఖలో ప్రస్తావించారు. ఈ వ్యవహారాలపై బోర్డుకు ముందుగానే సమాచారం ఇచ్చారా? అన్నది తేల్చాలని కోరారు.
వేణు శ్రీనివాసన్‌ పాత్రపైనా అభ్యంతరం
టీవీఎస్‌ మోటార్‌ గౌరవ ఛైర్మన్‌ వేణు శ్రీనివాసన్‌ టాటా సన్స్‌ బోర్డులో డైరెక్టర్‌గా ఉన్నారు. చంద్రశేఖరన్‌ పునర్నియామకంపై చర్చల్లో పాల్గొని, ఆమోదంగా ఓటు వేశారని నోయెల్‌ పేర్కొన్నారు. హన్నో వన్‌తో టీవీఎస్‌ మోటార్‌కు ఉన్న వ్యాపార సంబంధాలపై పూర్తి వివరాలు వెల్లడించకుండా ఈ ప్రక్రియలో పాల్గొనడం సముచితమేనా? అని ప్రశ్నించారు. ఈ అంశంపై సమావేశ రికార్డులు, ప్రయోజనాల వెల్లడికి సంబంధించిన పత్రాలను అందించాలని కోరారు.
కీలక పత్రాలు ఇవ్వాలని డిమాండ్‌
సెప్టెంబర్‌ 17న జరిగిన బోర్డు సమావేశానికి సంబంధించిన అసలు వీడియో, ఆడియో రికార్డులు, సమావేశ మినిట్స్‌, డైరెక్టర్ల ఓటింగ్‌ వివరాలు, న్యాయ సలహాల ప్రతులను నోయెల్‌ కోరారు. పునర్నియామకానికి సంబంధించిన తీర్మానాన్ని కంపెనీల రిజిస్ట్రార్‌కు పంపే ముందు సమావేశ మినిట్స్‌ ఖరారు కాలేదని కూడా అభ్యంతరం వ్యక్తం చేశారు.
