అందరూ జర్నలిస్టులే అయితే అదో పెద్ద సమస్య: సుప్రీంకోర్టు
- అందరూ అలాగే చెప్పుకుంటే సమస్యలు తప్పవన్న సుప్రీంకోర్టు
- ఢిల్లీ నిరసనల కవరేజ్‌పై దాఖలైన పిటిషన్లపై విచారణ సందర్భంగా వ్యాఖ్య
- ఫ్రీలాన్స్ జర్నలిస్టులను పోలీసులు గుర్తించడం లేదని కోర్టుకు తెలిపిన పిటిషనర్లు
- జర్నలిస్టుల వర్గీకరణపై లోతైన పరిశీలన అవసరమని పేర్కొన్న ధర్మాసనం
- మహిళా జర్నలిస్టులపై దాడుల ఆరోపణలు తీవ్రమైనవని వ్యాఖ్య
ప్రతి పౌరుడూ తనను తాను జర్నలిస్ట్ అని చెప్పుకోవడం మొదలుపెడితే, అది అందరికీ ఇబ్బందులు సృష్టిస్తుందని సుప్రీంకోర్టు కీలక వ్యాఖ్యలు చేసింది. ఢిల్లీలో జరిగిన నిరసనలను కవర్ చేసిన ఫ్రీలాన్సర్లు, స్వతంత్ర జర్నలిస్టులు, రీల్స్ చేసేవారికి రక్షణ కల్పించాలని కోరుతూ దాఖలైన పిటిషన్లపై గురువారం విచారణ సందర్భంగా ఈ వ్యాఖ్యలు చేసింది.
భారత ప్రధాన న్యాయమూర్తి జస్టిస్ సూర్యకాంత్, జస్టిస్ జయమాల్య బాగ్చీలతో కూడిన ధర్మాసనం ఈ పిటిషన్లను విచారించింది. పిటిషనర్ల తరఫున సీనియర్ న్యాయవాది ఇందిరా జైసింగ్ వాదిస్తూ.. ఫ్రీలాన్స్, స్వతంత్ర జర్నలిస్టులను ఢిల్లీ పోలీసులు గుర్తించడం లేదని, ప్రెస్ ఇన్ఫర్మేషన్ బ్యూరో (పీఐబీ) గుర్తింపు కార్డు ఉంటేనే అనుమతిస్తున్నారని కోర్టు దృష్టికి తెచ్చారు. మీడియా సంస్థలు జారీ చేసిన ఐడీ కార్డులు ఉన్న జర్నలిస్టుల విధులకు ఆటంకం కలగకుండా జాతీయ స్థాయిలో ఒక ప్రోటోకాల్ రూపొందించాలని కోరారు.
ఈ సమయంలో సీజేఐ సూర్యకాంత్ స్పందిస్తూ "ప్రతి ఒక్కరూ జర్నలిస్టుగా మారితే ఎలాంటి సమస్యలు వస్తాయో కూడా మనం ఆలోచించాలి" అని హెచ్చరించారు. ఆర్టికల్ 19 ప్రకారం భావప్రకటనా స్వేచ్ఛ ప్రతి పౌరుడికీ జర్నలిస్ట్ అయ్యే హక్కును ఇస్తుందా? అనే దానిపై లోతైన పరిశీలన అవసరమని జస్టిస్ బాగ్చీ అభిప్రాయపడ్డారు. గుర్తింపు పొందిన, ఫ్రీలాన్స్ జర్నలిస్టులు, ఇన్‌ఫ్లుయెన్సర్లు, రీల్స్ చేసేవారికి వేర్వేరు స్థాయుల్లో రక్షణ ఉంటుందని ఆయన పేర్కొన్నారు.
ప్రభుత్వం తరఫున సొలిసిటర్ జనరల్ తుషార్ మెహతా వాదిస్తూ.. డిజిటల్ యుగంలో మొబైల్ ఫోన్ ఉన్న ప్రతిఒక్కరూ సోషల్ మీడియా పాప్యులారిటీ కోసం రీల్స్ చేస్తూ తమను తాము స్వతంత్ర జర్నలిస్టులుగా చెప్పుకుంటున్నారని తెలిపారు. మహిళా జర్నలిస్టులపై వేధింపులు జరగకుండా రక్షణ కల్పించడాన్ని సమర్థిస్తూనే, అదే రక్షణ మహిళా పోలీసు సిబ్బందికి కూడా వర్తించాలని అన్నారు.
వివిధ వర్గాల జర్నలిస్టులకు అదనపు రక్షణ కల్పించే అంశంపై సమగ్ర విచారణ జరపాల్సి ఉందని ధర్మాసనం పేర్కొంది. నిరసనల సమయంలో మహిళా జర్నలిస్టులపై జరిగిన దాడులు, వేధింపుల ఆరోపణలను తీవ్రంగా పరిగణిస్తున్నామని, స్వతంత్ర విచారణ అవసరాన్ని పరిశీలిస్తామని సూచించింది.
భారత ప్రధాన న్యాయమూర్తి జస్టిస్ సూర్యకాంత్, జస్టిస్ జయమాల్య బాగ్చీలతో కూడిన ధర్మాసనం ఈ పిటిషన్లను విచారించింది. పిటిషనర్ల తరఫున సీనియర్ న్యాయవాది ఇందిరా జైసింగ్ వాదిస్తూ.. ఫ్రీలాన్స్, స్వతంత్ర జర్నలిస్టులను ఢిల్లీ పోలీసులు గుర్తించడం లేదని, ప్రెస్ ఇన్ఫర్మేషన్ బ్యూరో (పీఐబీ) గుర్తింపు కార్డు ఉంటేనే అనుమతిస్తున్నారని కోర్టు దృష్టికి తెచ్చారు. మీడియా సంస్థలు జారీ చేసిన ఐడీ కార్డులు ఉన్న జర్నలిస్టుల విధులకు ఆటంకం కలగకుండా జాతీయ స్థాయిలో ఒక ప్రోటోకాల్ రూపొందించాలని కోరారు.
ఈ సమయంలో సీజేఐ సూర్యకాంత్ స్పందిస్తూ "ప్రతి ఒక్కరూ జర్నలిస్టుగా మారితే ఎలాంటి సమస్యలు వస్తాయో కూడా మనం ఆలోచించాలి" అని హెచ్చరించారు. ఆర్టికల్ 19 ప్రకారం భావప్రకటనా స్వేచ్ఛ ప్రతి పౌరుడికీ జర్నలిస్ట్ అయ్యే హక్కును ఇస్తుందా? అనే దానిపై లోతైన పరిశీలన అవసరమని జస్టిస్ బాగ్చీ అభిప్రాయపడ్డారు. గుర్తింపు పొందిన, ఫ్రీలాన్స్ జర్నలిస్టులు, ఇన్‌ఫ్లుయెన్సర్లు, రీల్స్ చేసేవారికి వేర్వేరు స్థాయుల్లో రక్షణ ఉంటుందని ఆయన పేర్కొన్నారు.
ప్రభుత్వం తరఫున సొలిసిటర్ జనరల్ తుషార్ మెహతా వాదిస్తూ.. డిజిటల్ యుగంలో మొబైల్ ఫోన్ ఉన్న ప్రతిఒక్కరూ సోషల్ మీడియా పాప్యులారిటీ కోసం రీల్స్ చేస్తూ తమను తాము స్వతంత్ర జర్నలిస్టులుగా చెప్పుకుంటున్నారని తెలిపారు. మహిళా జర్నలిస్టులపై వేధింపులు జరగకుండా రక్షణ కల్పించడాన్ని సమర్థిస్తూనే, అదే రక్షణ మహిళా పోలీసు సిబ్బందికి కూడా వర్తించాలని అన్నారు.
వివిధ వర్గాల జర్నలిస్టులకు అదనపు రక్షణ కల్పించే అంశంపై సమగ్ర విచారణ జరపాల్సి ఉందని ధర్మాసనం పేర్కొంది. నిరసనల సమయంలో మహిళా జర్నలిస్టులపై జరిగిన దాడులు, వేధింపుల ఆరోపణలను తీవ్రంగా పరిగణిస్తున్నామని, స్వతంత్ర విచారణ అవసరాన్ని పరిశీలిస్తామని సూచించింది.
