ఆఫీసులో ‘నో’ చెప్పాలంటే భయపడుతున్నారా? ఇలా చెబితే ఎవరూ నొచ్చుకోరు!
- ప్రతి పనికీ ‘ఎస్‌’ చెప్పాల్సిన అవసరం లేదు
- ముందుగా థ్యాంక్స్‌ చెప్పి ‘నో’ చెబితే మేలు
- సమాధానం సూటిగా, స్పష్టంగా ఉండాలి
- మీ ప్రస్తుత పనుల వల్ల చేయలేనని చెబితే బెటర్‌
- వెంటనే సమాధానం ఇవ్వకుండా సమయం తీసుకోండి
ఆఫీసులో ఏదైనా పని చెప్పినప్పుడు వెంటనే ‘సరే’ అనడం చాలా మందికి అలవాటు. పని ఎక్కువగా ఉన్నా.. సమయం లేకపోయినా.. ఎదుటివారు ఏమనుకుంటారోనని ఒప్పేసుకుంటాం. కానీ ఇలా ప్రతి పనికీ ‘ఎస్‌’ చెప్పడం చివరకు ఒత్తిడికి దారి తీస్తుంది. మీ పనికి, సమయానికి హద్దులు పెట్టుకోవడం కూడా ప్రొఫెషనల్‌ జీవితంలో చాలా ముఖ్యం. మరి ఎదుటివారిని నొప్పించకుండా ‘నో’ ఎలా చెప్పాలి?
ముందుగా ధన్యవాదాలు చెప్పండి
ఎవరైనా పని అడిగినప్పుడు వెంటనే తిరస్కరించకుండా.. ముందుగా వారికి ధన్యవాదాలు చెప్పండి. ‘‘నన్ను అడిగినందుకు థ్యాంక్స్‌’’ అని చెప్పడం ద్వారా వారి నమ్మకాన్ని గౌరవిస్తున్నట్లు తెలుస్తుంది. ఆ తర్వాత మీ సమాధానాన్ని చెప్పండి.
సూటిగా చెప్పండి
ఎక్కువ వివరణలు ఇవ్వాల్సిన అవసరం లేదు. ‘‘ప్రస్తుతం ఈ పని తీసుకోలేను’’ అని స్పష్టంగా చెప్పొచ్చు. పదేపదే క్షమాపణలు చెప్పడం లేదా కారణాలు కల్పించడం అవసరం లేదు. స్పష్టమైన సమాధానం ఎదుటివారికి కూడా పరిస్థితిని అర్థం చేసుకోవడానికి ఉపయోగపడుతుంది.
మీ పనులను కారణంగా చెప్పండి
‘‘నాకు చాలా పని ఉంది’’ అని చెప్పడం కంటే.. ప్రస్తుతం మీరు చేస్తున్న పని చాలా ముఖ్యమైనది అని చెప్పడం మంచిది. ఉదాహరణకు.. ‘‘శుక్రవారం ఇవ్వాల్సిన క్లయింట్‌ రిపోర్టుపై పని చేస్తున్నాను. ఇప్పుడు ఇది తీసుకుంటే ఆ పనిపై ప్రభావం పడుతుంది’’ అని చెప్పొచ్చు. ఇలా చెప్పడం ద్వారా మీరు బాధ్యత నుంచి తప్పించుకోవడం లేదని స్పష్టమవుతుంది.
మరో మార్గం చూపించండి
ఇప్పుడే పని చేయలేకపోతే పూర్తిగా తిరస్కరించాల్సిన అవసరం లేదు. ‘‘ఈ వారం కుదరదు.. సోమవారం చేయగలను’’ అని చెప్పొచ్చు. లేదా మరొక సహోద్యోగి పేరు సూచించవచ్చు. అయితే మీరు నిజంగా చేయగలిగిన ప్రత్యామ్నాయాన్ని మాత్రమే చెప్పాలి.
వెంటనే సమాధానం ఇవ్వకండి
అనుకోకుండా వర్క్ ఇచ్చినప్పుడు ఒత్తిడిలో ‘సరే’ అనేయొచ్చు. అలాంటప్పుడు ‘‘నా షెడ్యూల్‌ చూసుకుని సాయంత్రం చెబుతాను’’ అని చెప్పండి. కొంత సమయం తీసుకుని మీ పనులను పరిశీలించండి. అయితే చెప్పిన సమయానికి తప్పకుండా సమాధానం ఇవ్వాలి.
వ్యక్తిని కాదు.. పనిని తిరస్కరించండి
‘‘మీరు ఎప్పుడూ చివరి నిమిషంలోనే పని ఇస్తారు’’ అని అనడం కంటే.. ‘‘ప్రస్తుతం నా పనిభారానికి ఇది సరిపోదు’’ అని చెప్పడం మంచిది. విమర్శలు, వ్యంగ్య వ్యాఖ్యలకు దూరంగా ఉండండి. మీరు తిరస్కరిస్తున్నది వ్యక్తిని కాదు.. ఆ సమయంలో వచ్చిన పనిని అని స్పష్టంగా ఉండాలి.
ఒకే మాటపై నిలబడండి
కొన్ని పనులకు ‘నో’ చెప్పి.. అదే తరహా పనులకు మరోసారి మౌనంగా ఒప్పుకొంటే మీ సహోద్యోగులకు మీ పరిమితులు అర్థం కావు. అవసరమైనప్పుడు ‘అవును’ అని చెప్పండి. అవసరం లేనప్పుడు ‘నో’ చెప్పడానికి అపరాధ భావనకు గురికావద్దు. మీ సమయాన్ని కాపాడుకోవడం వల్ల మీరు ముఖ్యమైన పనులను మరింత నాణ్యతగా చేయగలుగుతారు.
ముందుగా ధన్యవాదాలు చెప్పండి
ఎవరైనా పని అడిగినప్పుడు వెంటనే తిరస్కరించకుండా.. ముందుగా వారికి ధన్యవాదాలు చెప్పండి. ‘‘నన్ను అడిగినందుకు థ్యాంక్స్‌’’ అని చెప్పడం ద్వారా వారి నమ్మకాన్ని గౌరవిస్తున్నట్లు తెలుస్తుంది. ఆ తర్వాత మీ సమాధానాన్ని చెప్పండి.
సూటిగా చెప్పండి
ఎక్కువ వివరణలు ఇవ్వాల్సిన అవసరం లేదు. ‘‘ప్రస్తుతం ఈ పని తీసుకోలేను’’ అని స్పష్టంగా చెప్పొచ్చు. పదేపదే క్షమాపణలు చెప్పడం లేదా కారణాలు కల్పించడం అవసరం లేదు. స్పష్టమైన సమాధానం ఎదుటివారికి కూడా పరిస్థితిని అర్థం చేసుకోవడానికి ఉపయోగపడుతుంది.
మీ పనులను కారణంగా చెప్పండి
‘‘నాకు చాలా పని ఉంది’’ అని చెప్పడం కంటే.. ప్రస్తుతం మీరు చేస్తున్న పని చాలా ముఖ్యమైనది అని చెప్పడం మంచిది. ఉదాహరణకు.. ‘‘శుక్రవారం ఇవ్వాల్సిన క్లయింట్‌ రిపోర్టుపై పని చేస్తున్నాను. ఇప్పుడు ఇది తీసుకుంటే ఆ పనిపై ప్రభావం పడుతుంది’’ అని చెప్పొచ్చు. ఇలా చెప్పడం ద్వారా మీరు బాధ్యత నుంచి తప్పించుకోవడం లేదని స్పష్టమవుతుంది.
మరో మార్గం చూపించండి
ఇప్పుడే పని చేయలేకపోతే పూర్తిగా తిరస్కరించాల్సిన అవసరం లేదు. ‘‘ఈ వారం కుదరదు.. సోమవారం చేయగలను’’ అని చెప్పొచ్చు. లేదా మరొక సహోద్యోగి పేరు సూచించవచ్చు. అయితే మీరు నిజంగా చేయగలిగిన ప్రత్యామ్నాయాన్ని మాత్రమే చెప్పాలి.
వెంటనే సమాధానం ఇవ్వకండి
అనుకోకుండా వర్క్ ఇచ్చినప్పుడు ఒత్తిడిలో ‘సరే’ అనేయొచ్చు. అలాంటప్పుడు ‘‘నా షెడ్యూల్‌ చూసుకుని సాయంత్రం చెబుతాను’’ అని చెప్పండి. కొంత సమయం తీసుకుని మీ పనులను పరిశీలించండి. అయితే చెప్పిన సమయానికి తప్పకుండా సమాధానం ఇవ్వాలి.
వ్యక్తిని కాదు.. పనిని తిరస్కరించండి
‘‘మీరు ఎప్పుడూ చివరి నిమిషంలోనే పని ఇస్తారు’’ అని అనడం కంటే.. ‘‘ప్రస్తుతం నా పనిభారానికి ఇది సరిపోదు’’ అని చెప్పడం మంచిది. విమర్శలు, వ్యంగ్య వ్యాఖ్యలకు దూరంగా ఉండండి. మీరు తిరస్కరిస్తున్నది వ్యక్తిని కాదు.. ఆ సమయంలో వచ్చిన పనిని అని స్పష్టంగా ఉండాలి.
ఒకే మాటపై నిలబడండి
కొన్ని పనులకు ‘నో’ చెప్పి.. అదే తరహా పనులకు మరోసారి మౌనంగా ఒప్పుకొంటే మీ సహోద్యోగులకు మీ పరిమితులు అర్థం కావు. అవసరమైనప్పుడు ‘అవును’ అని చెప్పండి. అవసరం లేనప్పుడు ‘నో’ చెప్పడానికి అపరాధ భావనకు గురికావద్దు. మీ సమయాన్ని కాపాడుకోవడం వల్ల మీరు ముఖ్యమైన పనులను మరింత నాణ్యతగా చేయగలుగుతారు.
