ఫ్లైదుబాయ్ విమానాన్ని కూల్చేందుకు జులైలోనే కో-పైలట్ కుట్ర!
- టెల్ అవీవ్‌పై దాడికే ఫ్లైదుబాయ్‌లో చేరినట్లు విచారణలో ఒప్పుకోలు
- విమానాన్ని సౌదీ అరేబియాలో సురక్షితంగా దించిన సిబ్బంది
- పైలట్ నియామకంలో భారీ భద్రతా లోపాలు బయటపడటంతో కలకలం
దుబాయ్ నుంచి టెల్ అవీవ్ వెళ్తున్న ఫ్లైదుబాయ్ విమానాన్ని కూల్చివేసి, 9/11 తరహాలో భారీ విధ్వంసం సృష్టించాలన్న కో-పైలట్ కుట్ర చివరి నిమిషంలో విఫలమైంది. విమానం గాల్లో ఉండగా కెప్టెన్‌పై గొడ్డలితో దాడి చేసిన కో-పైలట్‌ను సిబ్బంది, ప్రయాణికులు సాహసోపేతంగా బంధించారు. ఈ ఘటనలో భారత సంతతికి చెందిన కెప్టెన్ స్మిత్ మచ్ఛర్ వీరోచితంగా పోరాడి పెను ప్రమాదాన్ని నివారించారు.
ఒమన్‌కు చెందిన కో-పైలట్ హమామ్ అల్-హమామి, విమానం టెల్ అవీవ్‌కు సమీపిస్తున్న తరుణంలో జోర్డాన్ గగనతలంలో ఉండగా కెప్టెన్ స్మిత్ మచ్ఛర్‌పై గొడ్డలితో దాడికి పాల్పడ్డాడు. కెప్టెన్‌ను హతమార్చి, విమానాన్ని ఇజ్రాయెల్‌లోని బెన్ గురియన్ విమానాశ్రయంపై లేదా టెల్ అవీవ్‌లోని ఆకాశహర్మ్యాలపై కూల్చివేయాలని పథకం రచించినట్లు యూఏఈ అధికారుల విచారణలో నిందితుడు అంగీకరించాడు.
తలకు బలమైన గాయమైనప్పటికీ కెప్టెన్ స్మిత్ మచ్ఛర్ అత్యంత ధైర్యసాహసాలతో ప్రతిఘటించారు. ఆయన వెంటనే ఎమర్జెన్సీ సిగ్నల్స్ పంపడంతో పాటు కాక్‌పిట్ తలుపును తెరిచారు. దీంతో అప్రమత్తమైన విమాన సిబ్బంది, ప్రయాణికులు కలిసి కో-పైలట్‌ను నిలువరించి బంధించారు. అనంతరం విమానంలో ప్రయాణిస్తున్న ఇద్దరు 'ఆఫ్-డ్యూటీ' పైలట్ల సహాయంతో విమానాన్ని సౌదీ అరేబియాలో సురక్షితంగా ల్యాండ్ చేశారు.
హమామ్ అల్-హమామి తీవ్రవాద భావజాలంతో ప్రభావితమైనట్లు, అల్-ఖైదాకు మద్దతుగా ఆన్‌లైన్‌లో పోస్టులు పెట్టినట్లు ప్రాథమిక విచారణలో తేలింది. కేవలం టెల్ అవీవ్‌పై దాడి చేయాలనే లక్ష్యంతోనే తాను ఫ్లైదుబాయ్ సంస్థలో చేరినట్లు అతడు వెల్లడించడం గమనార్హం. ఈ దాడి కోసం గత కొన్ని నెలలుగా అతడు సమాచారం సేకరించినట్లు ఇజ్రాయెల్ మీడియా కథనాలు పేర్కొన్నాయి. గత జులైలోనే ఈ దాడికి ప్రణాళిక వేసినప్పటికీ, అది విఫలమైందని విచారణలో వెల్లడైంది. ఈ ఘటనతో పైలట్ల నియామక ప్రక్రియలో చోటుచేసుకున్న భారీ భద్రతా లోపాలు బహిర్గతమయ్యాయి. తీవ్రవాద భావజాలం కారణంగా స్వదేశమైన ఒమన్‌లోనే విమానాలు నడపకుండా నిషేధానికి గురైన వ్యక్తికి ఫ్లైదుబాయ్ యాజమాన్యం ఎలా ఉద్యోగం ఇచ్చిందనే అంశంపై ప్రస్తుతం లోతైన విచారణ జరుగుతోంది.
ఒమన్‌కు చెందిన కో-పైలట్ హమామ్ అల్-హమామి, విమానం టెల్ అవీవ్‌కు సమీపిస్తున్న తరుణంలో జోర్డాన్ గగనతలంలో ఉండగా కెప్టెన్ స్మిత్ మచ్ఛర్‌పై గొడ్డలితో దాడికి పాల్పడ్డాడు. కెప్టెన్‌ను హతమార్చి, విమానాన్ని ఇజ్రాయెల్‌లోని బెన్ గురియన్ విమానాశ్రయంపై లేదా టెల్ అవీవ్‌లోని ఆకాశహర్మ్యాలపై కూల్చివేయాలని పథకం రచించినట్లు యూఏఈ అధికారుల విచారణలో నిందితుడు అంగీకరించాడు.
తలకు బలమైన గాయమైనప్పటికీ కెప్టెన్ స్మిత్ మచ్ఛర్ అత్యంత ధైర్యసాహసాలతో ప్రతిఘటించారు. ఆయన వెంటనే ఎమర్జెన్సీ సిగ్నల్స్ పంపడంతో పాటు కాక్‌పిట్ తలుపును తెరిచారు. దీంతో అప్రమత్తమైన విమాన సిబ్బంది, ప్రయాణికులు కలిసి కో-పైలట్‌ను నిలువరించి బంధించారు. అనంతరం విమానంలో ప్రయాణిస్తున్న ఇద్దరు 'ఆఫ్-డ్యూటీ' పైలట్ల సహాయంతో విమానాన్ని సౌదీ అరేబియాలో సురక్షితంగా ల్యాండ్ చేశారు.
హమామ్ అల్-హమామి తీవ్రవాద భావజాలంతో ప్రభావితమైనట్లు, అల్-ఖైదాకు మద్దతుగా ఆన్‌లైన్‌లో పోస్టులు పెట్టినట్లు ప్రాథమిక విచారణలో తేలింది. కేవలం టెల్ అవీవ్‌పై దాడి చేయాలనే లక్ష్యంతోనే తాను ఫ్లైదుబాయ్ సంస్థలో చేరినట్లు అతడు వెల్లడించడం గమనార్హం. ఈ దాడి కోసం గత కొన్ని నెలలుగా అతడు సమాచారం సేకరించినట్లు ఇజ్రాయెల్ మీడియా కథనాలు పేర్కొన్నాయి. గత జులైలోనే ఈ దాడికి ప్రణాళిక వేసినప్పటికీ, అది విఫలమైందని విచారణలో వెల్లడైంది. ఈ ఘటనతో పైలట్ల నియామక ప్రక్రియలో చోటుచేసుకున్న భారీ భద్రతా లోపాలు బహిర్గతమయ్యాయి. తీవ్రవాద భావజాలం కారణంగా స్వదేశమైన ఒమన్‌లోనే విమానాలు నడపకుండా నిషేధానికి గురైన వ్యక్తికి ఫ్లైదుబాయ్ యాజమాన్యం ఎలా ఉద్యోగం ఇచ్చిందనే అంశంపై ప్రస్తుతం లోతైన విచారణ జరుగుతోంది.
