ఆఫీసులో మంచి పేరు కావాలా? ఈ 5 తప్పులకు దూరంగా ఉండండి!
- ఇతరుల తప్పులను అందరి ముందు ఎత్తిచూపొద్దు
- అనుమతి లేకుండా సహోద్యోగుల స్క్రీన్‌ చూడకండి
- ఆఫీస్‌లో పుకార్లు, గాసిప్‌కు దూరంగా ఉండండి
- ఉమ్మడి ప్రదేశాలను బాధ్యతగా ఉపయోగించండి
- పదేపదే ఇతరుల పనికి అంతరాయం కలిగించొద్దు
ఉద్యోగం చేసే చోట పనితో పాటు మన ప్రవర్తన కూడా ఎంతో ముఖ్యం. తోటి ఉద్యోగులతో ఎలా మాట్లాడుతున్నాం? వారి వ్యక్తిగత విషయాలను ఎంతవరకు గౌరవిస్తున్నాం? ఉమ్మడి ప్రదేశాలను ఎలా ఉపయోగిస్తున్నాం? ఇలాంటి చిన్న చిన్న విషయాలే ఆఫీసులో మనపై ఇతరులకు ఎలాంటి అభిప్రాయం కలుగుతుందో నిర్ణయిస్తాయి. అందరూ చేస్తున్నారనే కారణంతో కొన్ని అలవాట్లను మనమూ అలవాటు చేసుకుంటే ఇబ్బందులు తప్పవు. ముఖ్యంగా ఆఫీసులో ఈ ఐదు పనులకు దూరంగా ఉండటం మంచిది.
1. ఇతరుల తప్పులను అందరికీ చెప్పొద్దు
పని చేసే క్రమంలో ఎవరైనా పొరపాట్లు చేయడం సహజం. అయితే వాటిని సరిదిద్దడం కంటే అందరి ముందు ఎత్తిచూపడమే సమస్యలకు దారితీస్తుంది. దీనివల్ల సదరు ఉద్యోగి ఇబ్బందిపడటమే కాకుండా, మీపై కూడా ప్రతికూల అభిప్రాయం ఏర్పడవచ్చు. తప్పు జరిగితే సంబంధిత వ్యక్తితో నేరుగా మాట్లాడి పరిష్కరించడం మంచిది.
2. పక్కవారి కంప్యూటర్‌లో తొంగి చూడొద్దు
పక్కనే కూర్చున్నారనే చనువుతో ఇతరుల కంప్యూటర్‌ స్క్రీన్‌ వైపు చూడటం కొందరికి అలవాటు. కానీ అందులో వ్యక్తిగత సందేశాలు, ముఖ్యమైన పని వివరాలు లేదా గోప్యమైన సమాచారం ఉండొచ్చు. అవతలి వ్యక్తి అనుమతి లేకుండా వారి స్క్రీన్‌ చూడటం వారి వ్యక్తిగత స్వేచ్ఛకు భంగం కలిగించడమే. కాబట్టి ఈ అలవాటుకు దూరంగా ఉండాలి.
3. ఆఫీస్‌ గాసిప్‌కు దూరంగా ఉండండి
తోటి ఉద్యోగుల వ్యక్తిగత విషయాలు, జీతాలు, పనితీరు, ఉద్యోగం మారే ఆలోచనల గురించి చర్చించడం కొందరికి సరదాగా అనిపించొచ్చు. కానీ ఇలాంటి మాటలు క్రమంగా పుకార్లుగా మారి సంబంధాలను దెబ్బతీస్తాయి. ఇతరుల వ్యక్తిగత విషయాలను అనవసరంగా చర్చించకుండా ఉండటమే మంచిది.
4. ఉమ్మడి ప్రదేశాలను సొంతంలా వాడొద్దు
ఆఫీస్‌లోని క్యాంటీన్‌, ప్యాంట్రీ, సమావేశ మందిరాలు అందరికీ అందుబాటులో ఉంటాయి. వాడిన కప్పులను అక్కడే వదిలేయడం, ఉమ్మడి టేబుళ్లపై వస్తువులు పెట్టడం, అవసరం లేకున్నా మీటింగ్‌ రూమ్‌ను ఆక్రమించడం ఇతరులకు ఇబ్బంది కలిగిస్తాయి. వాడిన ప్రదేశాన్ని శుభ్రంగా ఉంచడంతో పాటు, ఇతరుల అవసరాలకూ ప్రాధాన్యం ఇవ్వాలి.
5. ప్రతిసారీ ఇతరుల పనికి అంతరాయం కలిగించొద్దు
పక్కనే సహోద్యోగి ఉన్నారని ఎప్పుడు పడితే అప్పుడు మాట్లాడటం, పదేపదే సందేశాలు పంపడం సరైన పద్ధతి కాదు. వారు ముఖ్యమైన పనిలో ఉండొచ్చు. గడువు సమీపిస్తుండొచ్చు. ఆన్‌లైన్‌ సమావేశంలోనూ పాల్గొంటుండొచ్చు. అత్యవసరమైతే తప్ప పదేపదే వారి పనికి అంతరాయం కలిగించకుండా, మాట్లాడేందుకు అనువైన సమయం కోసం వేచి ఉండాలి.
ఆఫీసులో మంచి పేరు సంపాదించడానికి పని ఒక్కటే సరిపోదు. ఇతరుల సమయాన్ని, వ్యక్తిగత గోప్యతను, సౌకర్యాన్ని గౌరవించడం కూడా అంతే ముఖ్యం. చిన్న చిన్న అలవాట్లలో మార్పులు చేసుకోవడం ద్వారా తోటి ఉద్యోగులతో మంచి సంబంధాలను కొనసాగించవచ్చు.
1. ఇతరుల తప్పులను అందరికీ చెప్పొద్దు
పని చేసే క్రమంలో ఎవరైనా పొరపాట్లు చేయడం సహజం. అయితే వాటిని సరిదిద్దడం కంటే అందరి ముందు ఎత్తిచూపడమే సమస్యలకు దారితీస్తుంది. దీనివల్ల సదరు ఉద్యోగి ఇబ్బందిపడటమే కాకుండా, మీపై కూడా ప్రతికూల అభిప్రాయం ఏర్పడవచ్చు. తప్పు జరిగితే సంబంధిత వ్యక్తితో నేరుగా మాట్లాడి పరిష్కరించడం మంచిది.
2. పక్కవారి కంప్యూటర్‌లో తొంగి చూడొద్దు
పక్కనే కూర్చున్నారనే చనువుతో ఇతరుల కంప్యూటర్‌ స్క్రీన్‌ వైపు చూడటం కొందరికి అలవాటు. కానీ అందులో వ్యక్తిగత సందేశాలు, ముఖ్యమైన పని వివరాలు లేదా గోప్యమైన సమాచారం ఉండొచ్చు. అవతలి వ్యక్తి అనుమతి లేకుండా వారి స్క్రీన్‌ చూడటం వారి వ్యక్తిగత స్వేచ్ఛకు భంగం కలిగించడమే. కాబట్టి ఈ అలవాటుకు దూరంగా ఉండాలి.
3. ఆఫీస్‌ గాసిప్‌కు దూరంగా ఉండండి
తోటి ఉద్యోగుల వ్యక్తిగత విషయాలు, జీతాలు, పనితీరు, ఉద్యోగం మారే ఆలోచనల గురించి చర్చించడం కొందరికి సరదాగా అనిపించొచ్చు. కానీ ఇలాంటి మాటలు క్రమంగా పుకార్లుగా మారి సంబంధాలను దెబ్బతీస్తాయి. ఇతరుల వ్యక్తిగత విషయాలను అనవసరంగా చర్చించకుండా ఉండటమే మంచిది.
4. ఉమ్మడి ప్రదేశాలను సొంతంలా వాడొద్దు
ఆఫీస్‌లోని క్యాంటీన్‌, ప్యాంట్రీ, సమావేశ మందిరాలు అందరికీ అందుబాటులో ఉంటాయి. వాడిన కప్పులను అక్కడే వదిలేయడం, ఉమ్మడి టేబుళ్లపై వస్తువులు పెట్టడం, అవసరం లేకున్నా మీటింగ్‌ రూమ్‌ను ఆక్రమించడం ఇతరులకు ఇబ్బంది కలిగిస్తాయి. వాడిన ప్రదేశాన్ని శుభ్రంగా ఉంచడంతో పాటు, ఇతరుల అవసరాలకూ ప్రాధాన్యం ఇవ్వాలి.
5. ప్రతిసారీ ఇతరుల పనికి అంతరాయం కలిగించొద్దు
పక్కనే సహోద్యోగి ఉన్నారని ఎప్పుడు పడితే అప్పుడు మాట్లాడటం, పదేపదే సందేశాలు పంపడం సరైన పద్ధతి కాదు. వారు ముఖ్యమైన పనిలో ఉండొచ్చు. గడువు సమీపిస్తుండొచ్చు. ఆన్‌లైన్‌ సమావేశంలోనూ పాల్గొంటుండొచ్చు. అత్యవసరమైతే తప్ప పదేపదే వారి పనికి అంతరాయం కలిగించకుండా, మాట్లాడేందుకు అనువైన సమయం కోసం వేచి ఉండాలి.
ఆఫీసులో మంచి పేరు సంపాదించడానికి పని ఒక్కటే సరిపోదు. ఇతరుల సమయాన్ని, వ్యక్తిగత గోప్యతను, సౌకర్యాన్ని గౌరవించడం కూడా అంతే ముఖ్యం. చిన్న చిన్న అలవాట్లలో మార్పులు చేసుకోవడం ద్వారా తోటి ఉద్యోగులతో మంచి సంబంధాలను కొనసాగించవచ్చు.
