ఆగస్టులో ఆటోమొబైల్ అమ్మకాల మోత.. ఎన్నడూ లేనంతగా రికార్డు స్థాయి విక్రయాలు!
- ఆగస్టులో రికార్డు స్థాయికి చేరిన ఆటోమొబైల్ అమ్మకాలు
- ప్యాసింజర్ వాహనాలు, టూ వీలర్లు, త్రీ వీలర్ల విభాగాల్లో భారీ వృద్ధి
- గ్రామీణ మార్కెట్లలో బలమైన డిమాండ్
- పండుగ సీజన్ అంచనాలతో జోరు
- భారత ఆటో పరిశ్రమ పటిష్ఠమైన వృద్ధి దశలో ఉందని తెలిపిన ఎస్ఐఏఎం
భారత ఆటోమొబైల్ రంగం సరికొత్త రికార్డులతో దూసుకుపోతోంది. 2026 ఆగస్టు నెలలో ప్యాసింజర్ వాహనాలు (PV), త్రీ వీలర్లు, టూ వీలర్ల హోల్సేల్ విక్రయాలు రికార్డు స్థాయికి చేరుకున్నాయి. గతేడాది ఇదే నెలతో పోలిస్తే అమ్మకాలు భారీగా పెరిగాయని 'సొసైటీ ఆఫ్ ఇండియన్ ఆటోమొబైల్ మానుఫ్యాక్చరర్స్' (ఎస్ఐఏఎం) విడుదల చేసిన గణాంకాలు స్పష్టం చేస్తున్నాయి.
ఎస్ఐఏఎం డేటా ప్రకారం.. ఆగస్టులో ప్యాసింజర్ వాహనాల అమ్మకాలు 4,39,309 యూనిట్లుగా నమోదయ్యాయి. గతేడాదితో పోలిస్తే ఇది 36.5 శాతం అధికం. అదేవిధంగా త్రీ వీలర్ల విక్రయాలు 22.8 శాతం వృద్ధితో 93,764 యూనిట్లకు, టూ వీలర్ల అమ్మకాలు 10.5 శాతం వృద్ధితో 20,34,698 యూనిట్లకు చేరాయి. ఆగస్టు నెలలో ఈ స్థాయి అమ్మకాలు నమోదు కావడం ఇదే ప్రథమం.
ఈ రికార్డు స్థాయి వృద్ధిపై ఎస్ఐఏఎం డైరెక్టర్ జనరల్ రాజేశ్ మేనన్ మాట్లాడుతూ.. "భారత ఆటోమొబైల్ పరిశ్రమ ప్రస్తుతం పటిష్ఠమైన వృద్ధి దశలో ఉంది. గతేడాది ఇదే సమయంతో పోలిస్తే తక్కువ బేస్ ఉండటం, మార్కెట్లో బలమైన డిమాండ్ వాతావరణం నెలకొనడం ఈ వృద్ధికి దోహదపడ్డాయి" అని వివరించారు.
వినియోగదారుల్లో పెరిగిన విశ్వాసం, గ్రామీణ మార్కెట్లలో స్థిరమైన డిమాండ్, మెరుగైన ఫైనాన్సింగ్ సదుపాయాలు వంటివి అన్ని కేటగిరీలలో అమ్మకాలు పెరిగేందుకు మద్దతుగా నిలుస్తున్నాయని ఆయన తెలిపారు. ప్రత్యామ్నాయ ఇంధనాలతో నడిచే వాహనాల వినియోగం పెరగడం కూడా పరిశ్రమకు సానుకూలంగా మారిందని పేర్కొన్నారు. రాబోయే పండుగ సీజన్తో అమ్మకాలు మరింత ఊపందుకుని, రెండో త్రైమాసికంలో మంచి ఫలితాలు వస్తాయని ఆయన ఆశాభావం వ్యక్తం చేశారు.
కేవలం ఆగస్టులోనే కాకుండా అంతకుముందు జులైలో కూడా ఆటోమొబైల్ అమ్మకాలు రికార్డు స్థాయిలో నమోదయ్యాయి. జులైలో ప్యాసింజర్ వాహనాల అమ్మకాలు 34.3 శాతం వృద్ధితో 4,57,810 యూనిట్లుగా, టూ వీలర్ల అమ్మకాలు 22.6 శాతం వృద్ధితో 19,23,483 యూనిట్లుగా, త్రీ వీలర్ల అమ్మకాలు 33.4 శాతం వృద్ధితో 92,560 యూనిట్లుగా నమోదయ్యాయి. వరుసగా రెండు నెలల పాటు అమ్మకాలు రికార్డు స్థాయిలో కొనసాగడం పరిశ్రమ పటిష్ఠతకు నిదర్శనంగా నిలుస్తోంది.
ఎస్ఐఏఎం డేటా ప్రకారం.. ఆగస్టులో ప్యాసింజర్ వాహనాల అమ్మకాలు 4,39,309 యూనిట్లుగా నమోదయ్యాయి. గతేడాదితో పోలిస్తే ఇది 36.5 శాతం అధికం. అదేవిధంగా త్రీ వీలర్ల విక్రయాలు 22.8 శాతం వృద్ధితో 93,764 యూనిట్లకు, టూ వీలర్ల అమ్మకాలు 10.5 శాతం వృద్ధితో 20,34,698 యూనిట్లకు చేరాయి. ఆగస్టు నెలలో ఈ స్థాయి అమ్మకాలు నమోదు కావడం ఇదే ప్రథమం.
ఈ రికార్డు స్థాయి వృద్ధిపై ఎస్ఐఏఎం డైరెక్టర్ జనరల్ రాజేశ్ మేనన్ మాట్లాడుతూ.. "భారత ఆటోమొబైల్ పరిశ్రమ ప్రస్తుతం పటిష్ఠమైన వృద్ధి దశలో ఉంది. గతేడాది ఇదే సమయంతో పోలిస్తే తక్కువ బేస్ ఉండటం, మార్కెట్లో బలమైన డిమాండ్ వాతావరణం నెలకొనడం ఈ వృద్ధికి దోహదపడ్డాయి" అని వివరించారు.
వినియోగదారుల్లో పెరిగిన విశ్వాసం, గ్రామీణ మార్కెట్లలో స్థిరమైన డిమాండ్, మెరుగైన ఫైనాన్సింగ్ సదుపాయాలు వంటివి అన్ని కేటగిరీలలో అమ్మకాలు పెరిగేందుకు మద్దతుగా నిలుస్తున్నాయని ఆయన తెలిపారు. ప్రత్యామ్నాయ ఇంధనాలతో నడిచే వాహనాల వినియోగం పెరగడం కూడా పరిశ్రమకు సానుకూలంగా మారిందని పేర్కొన్నారు. రాబోయే పండుగ సీజన్తో అమ్మకాలు మరింత ఊపందుకుని, రెండో త్రైమాసికంలో మంచి ఫలితాలు వస్తాయని ఆయన ఆశాభావం వ్యక్తం చేశారు.
కేవలం ఆగస్టులోనే కాకుండా అంతకుముందు జులైలో కూడా ఆటోమొబైల్ అమ్మకాలు రికార్డు స్థాయిలో నమోదయ్యాయి. జులైలో ప్యాసింజర్ వాహనాల అమ్మకాలు 34.3 శాతం వృద్ధితో 4,57,810 యూనిట్లుగా, టూ వీలర్ల అమ్మకాలు 22.6 శాతం వృద్ధితో 19,23,483 యూనిట్లుగా, త్రీ వీలర్ల అమ్మకాలు 33.4 శాతం వృద్ధితో 92,560 యూనిట్లుగా నమోదయ్యాయి. వరుసగా రెండు నెలల పాటు అమ్మకాలు రికార్డు స్థాయిలో కొనసాగడం పరిశ్రమ పటిష్ఠతకు నిదర్శనంగా నిలుస్తోంది.
