కస్టమర్లకు ఎల్ఐసీ కానుక.. మార్కెట్లోకి రెండు నూతన పాలసీలు
- 70వ వార్షికోత్సవం సందర్భంగా ఎల్ఐసీ రెండు కొత్త పాలసీల ప్రారంభం
- ‘బీమా ప్లాటినమ్’, ‘జీవన్ రక్ష’ పేరుతో కొత్త ప్లాన్ల ఆవిష్కరణ
- పొదుపు, గ్యారెంటీ రాబడిని అందించే బీమా ప్లాటినమ్
- కుటుంబానికి పూర్తి రక్షణ కల్పించే టర్మ్ ప్లాన్ ‘జీవన్ రక్ష’
- మారుతున్న అవసరాలకు అనుగుణంగా కొత్త పాలసీలు తెచ్చినట్లు ఎల్ఐసీ వెల్లడి
భారత ప్రభుత్వ రంగ జీవిత బీమా సంస్థ (ఎల్ఐసీ) తన 70వ వార్షికోత్సవాన్ని పురస్కరించుకుని వినియోగదారుల కోసం రెండు సరికొత్త పాలసీలను ఆవిష్కరించింది. ‘బీమా ప్లాటినమ్’, ‘జీవన్ రక్ష’ పేరుతో ఈ నూతన ప్లాన్లను మార్కెట్లోకి విడుదల చేసింది. వీటిలో ఒకటి పొదుపు, రక్షణ కలయికతో రూపొందగా, మరొకటి పూర్తిస్థాయి టర్మ్ ఇన్సూరెన్స్ను అందిస్తుంది.
బీమా ప్లాటినమ్: ఇది పొదుపు, బీమా రక్షణను కలిపి అందించే నాన్-లింక్డ్ ప్లాన్. దీనిలో చెల్లించిన ప్రతి రూ.1,000 వార్షిక ప్రీమియంపై రూ.70 చొప్పున ‘గ్యారెంటీడ్ అడిషన్’ లభిస్తుంది. అంతేకాకుండా, ప్రతి ఏటా పాలసీ విలువపై 10 శాతం మేర క్రమం తప్పకుండా ఆదాయం పొందే వెసులుబాటు కూడా ఉంది. 10 నుంచి 20 సంవత్సరాల కాలపరిమితితో ఈ పాలసీ అందుబాటులో ఉంటుంది.
జీవన్ రక్ష: ఇది పూర్తిగా టర్మ్ ఇన్సూరెన్స్ ప్లాన్. పాలసీ కాలపరిమితిలో పాలసీదారుడు దురదృష్టవశాత్తు మరణిస్తే, వారి కుటుంబానికి ఆర్థిక భరోసాగా బీమా సొమ్ము అందుతుంది. ఈ ప్లాన్లో కనిష్ఠంగా రూ. 5 లక్షల నుంచి గరిష్ఠంగా రూ. 24 లక్షల వరకు బీమా రక్షణ (కవరేజ్) పొందవచ్చు. మహిళా పాలసీదారులకు ప్రీమియంలో ప్రత్యేక రాయితీ కల్పించడం ఈ ప్లాన్లోని మరో ముఖ్యమైన అంశం.
ఈ పాలసీల ప్రారంభంపై ఎల్ఐసీ సీఈవో ఆర్. దొరైస్వామి మాట్లాడుతూ.. "ప్రజల్లో పెరుగుతున్న ఆదాయం, ఆర్థిక అవగాహన నేపథ్యంలో రక్షణ, పొదుపు, రిటైర్మెంట్ పాలసీలకు డిమాండ్ పెరుగుతోంది. ఖాతాదారుల అవసరాలను తీర్చేందుకే ఈ సరికొత్త ప్లాన్లను అందుబాటులోకి తీసుకువచ్చాం" అని వివరించారు.
బీమా ప్లాటినమ్: ఇది పొదుపు, బీమా రక్షణను కలిపి అందించే నాన్-లింక్డ్ ప్లాన్. దీనిలో చెల్లించిన ప్రతి రూ.1,000 వార్షిక ప్రీమియంపై రూ.70 చొప్పున ‘గ్యారెంటీడ్ అడిషన్’ లభిస్తుంది. అంతేకాకుండా, ప్రతి ఏటా పాలసీ విలువపై 10 శాతం మేర క్రమం తప్పకుండా ఆదాయం పొందే వెసులుబాటు కూడా ఉంది. 10 నుంచి 20 సంవత్సరాల కాలపరిమితితో ఈ పాలసీ అందుబాటులో ఉంటుంది.
జీవన్ రక్ష: ఇది పూర్తిగా టర్మ్ ఇన్సూరెన్స్ ప్లాన్. పాలసీ కాలపరిమితిలో పాలసీదారుడు దురదృష్టవశాత్తు మరణిస్తే, వారి కుటుంబానికి ఆర్థిక భరోసాగా బీమా సొమ్ము అందుతుంది. ఈ ప్లాన్లో కనిష్ఠంగా రూ. 5 లక్షల నుంచి గరిష్ఠంగా రూ. 24 లక్షల వరకు బీమా రక్షణ (కవరేజ్) పొందవచ్చు. మహిళా పాలసీదారులకు ప్రీమియంలో ప్రత్యేక రాయితీ కల్పించడం ఈ ప్లాన్లోని మరో ముఖ్యమైన అంశం.
ఈ పాలసీల ప్రారంభంపై ఎల్ఐసీ సీఈవో ఆర్. దొరైస్వామి మాట్లాడుతూ.. "ప్రజల్లో పెరుగుతున్న ఆదాయం, ఆర్థిక అవగాహన నేపథ్యంలో రక్షణ, పొదుపు, రిటైర్మెంట్ పాలసీలకు డిమాండ్ పెరుగుతోంది. ఖాతాదారుల అవసరాలను తీర్చేందుకే ఈ సరికొత్త ప్లాన్లను అందుబాటులోకి తీసుకువచ్చాం" అని వివరించారు.
