గట్ హెల్త్ను దెబ్బతీస్తున్న 8 రోజువారీ అలవాట్లు ఇవే..
- భోజనం చేసేటప్పుడు ఫోన్ చూడొద్దని నిపుణుల సూచన
- అల్పాహారం తరచూ మానేయడం మంచిది కాదని హెచ్చరిక
- ప్రతి భోజనం తర్వాత స్వీట్ తినే అలవాటును తగ్గించుకుంటే మేలు
- పెయిన్కిల్లర్లను తరచూ వాడటం వల్ల కడుపుకు ఇబ్బంది
- రోజంతా నీళ్లు తాగాలని నిపుణుల సూచన
- మలవిసర్జన కోరికను పదేపదే ఆపుకోవద్దని హెచ్చరిక
మన ఆరోగ్యంపై ఆహారం ప్రభావం ఎంత ఉంటుందో.. రోజువారీ అలవాట్ల ప్రభావం కూడా అంతే ఉంటుంది. ముఖ్యంగా జీర్ణవ్యవస్థ విషయంలో మనకు తెలియకుండానే చేసే కొన్ని పనులు సమస్యలకు దారితీయొచ్చు. భోజనం చేసేటప్పుడు ఫోన్ చూడటం నుంచి రాత్రివేళ ఎక్కువగా నీళ్లు తాగడం వరకు.. రోజూ చేసే కొన్ని అలవాట్లను నిపుణులు మార్చుకోవాలని సూచిస్తున్నారు.
1. ఫోన్ చూడటం: తింటున్నప్పుడు మొబైల్ లేదా టీవీపై దృష్టి పెట్టడం వల్ల ఎంత తింటున్నామో గుర్తించకపోవచ్చు. దీంతో అవసరానికి మించి తినే అవకాశం ఉంటుంది. భోజనం చేసేటప్పుడు ఇతర వ్యాపకాల్ని పక్కన పెట్టడం మంచిది.
2. తరచూ ఏదో ఒకటి తింటూ ఉండటం: భోజనాల మధ్య విరామం లేకుండా పదేపదే స్నాక్స్ తీసుకోవడం వల్ల జీర్ణవ్యవస్థకు సహజ ప్రక్రియలకు తగినంత సమయం దొరక్కపోవచ్చు. వ్యక్తిగత అవసరాలకు అనుగుణంగా భోజనాల మధ్య సరైన విరామం ఉండేలా చూసుకోవాలని నిపుణులు సూచిస్తున్నారు.
3. బ్రేక్ఫాస్ట్ మానేయడం: అప్పుడప్పుడు అల్పాహారం తీసుకోకపోవడాన్ని ఇంటర్మిటెంట్ ఫాస్టింగ్గా భావించకూడదు. భోజన వేళల్లో తరచూ మార్పులు రావడం ఒత్తిడి, జీర్ణవ్యవస్థ పనితీరుపై ప్రభావం చూపొచ్చని నిపుణులు చెబుతున్నారు.
4. చిన్న తలనొప్పికే పెయిన్కిల్లర్ వాడటం: ఇబుప్రొఫెన్ వంటి నొప్పి నివారణ మందులను తరచూ తీసుకోవడం వల్ల కడుపు, పేగుల లోపలి పొరపై మంట లేదా ఇరిటేషన్ కలగొచ్చు. అవసరం లేకుండా ఇలాంటి మందులను పదేపదే వాడటం మంచిది కాదు.
5. భోజనం తర్వాత స్వీట్ తినడం: భోజనం పూర్తవగానే తీపి పదార్థం తినడం అలవాటుగా మారితే చక్కెర తీసుకోవడం పెరుగుతుంది. ఇది పేగుల్లోని బ్యాక్టీరియా సమతుల్యతపై ప్రభావం చూపడంతో పాటు.. మరింత తీపి తినాలనే కోరికను పెంచొచ్చు.
6. రాత్రిపూట ఎక్కువ నీళ్లు తాగడం: రోజంతా తక్కువ నీరు తాగి.. రాత్రి ఒక్కసారిగా ఎక్కువగా తీసుకోవడం సరైన పద్ధతి కాదు. రోజంతా తగినంత నీటిని నిర్దిష్ట విరామాల్లో తీసుకోవడం ద్వారా శరీరాన్ని హైడ్రేట్గా ఉంచుకోవచ్చు.
7. నిద్రకు ముందు భోజనం చేయడం: పడుకునే సమయానికి కొద్ది సమయం ముందు తినడం జీర్ణక్రియతో పాటు నిద్రపైనా ప్రభావం చూపొచ్చు. రాత్రి భోజనం పూర్తయిన తర్వాత నిద్రకు కొంత సమయం ఉండేలా చూసుకోవడం మంచిది.
8. మలవిసర్జనను ఆపుకోవడం: టాయిలెట్కు వెళ్లాలన్న కోరిక వచ్చినా పదేపదే వాయిదా వేయడం వల్ల మలబద్ధకం సమస్య రావచ్చు. శరీరం ఇచ్చే సహజ సంకేతాలను నిర్లక్ష్యం చేయకపోవడం మంచిది.
రోజువారీ జీవితంలో చిన్న మార్పులు చేసుకోవడం ద్వారా జీర్ణవ్యవస్థకు అనుకూలమైన అలవాట్లను పెంచుకోవచ్చు. అయితే తరచూ జీర్ణ సంబంధిత సమస్యలు ఎదురైతే సొంతంగా నిర్ణయాలు తీసుకోకుండా వైద్య నిపుణులను సంప్రదించడం మంచిది.
గమనిక: ఇది సమాచారం అవగాహన కోసం మాత్రమే. వైద్యుల సూచనకు ప్రత్యామ్నాయం కాదు.
1. ఫోన్ చూడటం: తింటున్నప్పుడు మొబైల్ లేదా టీవీపై దృష్టి పెట్టడం వల్ల ఎంత తింటున్నామో గుర్తించకపోవచ్చు. దీంతో అవసరానికి మించి తినే అవకాశం ఉంటుంది. భోజనం చేసేటప్పుడు ఇతర వ్యాపకాల్ని పక్కన పెట్టడం మంచిది.
2. తరచూ ఏదో ఒకటి తింటూ ఉండటం: భోజనాల మధ్య విరామం లేకుండా పదేపదే స్నాక్స్ తీసుకోవడం వల్ల జీర్ణవ్యవస్థకు సహజ ప్రక్రియలకు తగినంత సమయం దొరక్కపోవచ్చు. వ్యక్తిగత అవసరాలకు అనుగుణంగా భోజనాల మధ్య సరైన విరామం ఉండేలా చూసుకోవాలని నిపుణులు సూచిస్తున్నారు.
3. బ్రేక్ఫాస్ట్ మానేయడం: అప్పుడప్పుడు అల్పాహారం తీసుకోకపోవడాన్ని ఇంటర్మిటెంట్ ఫాస్టింగ్గా భావించకూడదు. భోజన వేళల్లో తరచూ మార్పులు రావడం ఒత్తిడి, జీర్ణవ్యవస్థ పనితీరుపై ప్రభావం చూపొచ్చని నిపుణులు చెబుతున్నారు.
4. చిన్న తలనొప్పికే పెయిన్కిల్లర్ వాడటం: ఇబుప్రొఫెన్ వంటి నొప్పి నివారణ మందులను తరచూ తీసుకోవడం వల్ల కడుపు, పేగుల లోపలి పొరపై మంట లేదా ఇరిటేషన్ కలగొచ్చు. అవసరం లేకుండా ఇలాంటి మందులను పదేపదే వాడటం మంచిది కాదు.
5. భోజనం తర్వాత స్వీట్ తినడం: భోజనం పూర్తవగానే తీపి పదార్థం తినడం అలవాటుగా మారితే చక్కెర తీసుకోవడం పెరుగుతుంది. ఇది పేగుల్లోని బ్యాక్టీరియా సమతుల్యతపై ప్రభావం చూపడంతో పాటు.. మరింత తీపి తినాలనే కోరికను పెంచొచ్చు.
6. రాత్రిపూట ఎక్కువ నీళ్లు తాగడం: రోజంతా తక్కువ నీరు తాగి.. రాత్రి ఒక్కసారిగా ఎక్కువగా తీసుకోవడం సరైన పద్ధతి కాదు. రోజంతా తగినంత నీటిని నిర్దిష్ట విరామాల్లో తీసుకోవడం ద్వారా శరీరాన్ని హైడ్రేట్గా ఉంచుకోవచ్చు.
7. నిద్రకు ముందు భోజనం చేయడం: పడుకునే సమయానికి కొద్ది సమయం ముందు తినడం జీర్ణక్రియతో పాటు నిద్రపైనా ప్రభావం చూపొచ్చు. రాత్రి భోజనం పూర్తయిన తర్వాత నిద్రకు కొంత సమయం ఉండేలా చూసుకోవడం మంచిది.
8. మలవిసర్జనను ఆపుకోవడం: టాయిలెట్కు వెళ్లాలన్న కోరిక వచ్చినా పదేపదే వాయిదా వేయడం వల్ల మలబద్ధకం సమస్య రావచ్చు. శరీరం ఇచ్చే సహజ సంకేతాలను నిర్లక్ష్యం చేయకపోవడం మంచిది.
రోజువారీ జీవితంలో చిన్న మార్పులు చేసుకోవడం ద్వారా జీర్ణవ్యవస్థకు అనుకూలమైన అలవాట్లను పెంచుకోవచ్చు. అయితే తరచూ జీర్ణ సంబంధిత సమస్యలు ఎదురైతే సొంతంగా నిర్ణయాలు తీసుకోకుండా వైద్య నిపుణులను సంప్రదించడం మంచిది.
గమనిక: ఇది సమాచారం అవగాహన కోసం మాత్రమే. వైద్యుల సూచనకు ప్రత్యామ్నాయం కాదు.
