పంజాబ్లో కొత్త టీ20 లీగ్.. బరిలోకి గిల్, అర్ష్దీప్
- పంజాబ్లో 'షేర్-ఏ-పంజాబ్ టీ20 లీగ్' ప్రారంభం
- ఆగస్టు 30 నుంచి సెప్టెంబర్ 13 వరకు టోర్నమెంట్
- ఆరు ఫ్రాంచైజీల మధ్య రౌండ్-రాబిన్ పద్ధతిలో పోటీ
- ఆగస్టు 9న ఆటగాళ్ల వేలం
పంజాబ్ క్రికెట్లో నూతన అధ్యాయం ఆరంభమైంది. రాష్ట్రంలోని యువ ప్రతిభను వెలికితీసే లక్ష్యంతో ‘షేర్-ఏ-పంజాబ్ టీ20 లీగ్’ను అధికారికంగా ప్రారంభించారు. ఆదివారం న్యూ చండీగఢ్లోని పీసీఏ అంతర్జాతీయ క్రికెట్ స్టేడియంలో నిర్వహించిన కార్యక్రమంలో ఈ లీగ్ లోగోను ఆవిష్కరించారు. భారత క్రికెట్ జట్టు స్టార్ ఆటగాళ్లు శుభ్మన్ గిల్, అర్ష్దీప్ సింగ్ ఈ కార్యక్రమానికి ప్రత్యేక ఆకర్షణగా నిలిచారు.
ఈ లీగ్ తొలి సీజన్ ఆగస్టు 30 నుంచి సెప్టెంబర్ 13 వరకు నిర్వహించనున్నారు. ఇందులో అమృత్సర్, ఫాజిల్కా, జలంధర్, లూధియానా, మొహాలీ, బఠిండా ప్రాతినిధ్యం వహించే ఆరు ఫ్రాంచైజీలు తలపడనున్నాయి. రౌండ్-రాబిన్ పద్ధతిలో మొత్తం 27 మ్యాచ్లు జరుగుతాయి. శుభ్మన్ గిల్, అర్ష్దీప్ సింగ్లతో పాటు అభిషేక్ శర్మ, గుర్నూర్ బ్రార్, ప్రభ్సిమ్రాన్ సింగ్ వంటి స్టార్ ప్లేయర్లు ఈ టోర్నీలో సందడి చేయనున్నారు. పంజాబ్ క్రికెట్ అసోసియేషన్ (పీసీఏ) కార్యదర్శి గుర్మీత్ సింగ్ మీత్ హేయర్, అధ్యక్షుడు అమర్జీత్ సింగ్ మెహతా ఈ లీగ్ను ఘనంగా ప్రారంభించారు.
ఈ సందర్భంగా శుభ్మన్ గిల్ మాట్లాడుతూ.. “యువ క్రికెటర్లు తమ ప్రతిభను చాటుకుని, పంజాబ్, భారత జట్లకు ఎంపికయ్యేందుకు ఇది ఒక అద్భుతమైన వేదిక” అని పేర్కొన్నాడు. ముఖ్యమంత్రి భగవంత్ సింగ్ మాన్ ఆలోచనలకు అనుగుణంగా ఈ లీగ్ రూపుదిద్దుకుందని, లాలా అమర్నాథ్, యువరాజ్ సింగ్ వంటి దిగ్గజాల వారసత్వాన్ని ఇది కొనసాగిస్తుందని పీసీఏ కార్యదర్శి మీత్ హేయర్ తెలిపారు.
ఈ లీగ్ నిమిత్తం ఆగస్టు 9న ఆటగాళ్ల వేలం నిర్వహించనున్నారు. ప్రతి ఫ్రాంచైజీకి రూ.45 లక్షల మేర వేతన పరిమితిని నిర్ణయించారు. మార్క్యూ ప్లేయర్కు రూ.10 లక్షలు, ఐకాన్ ప్లేయర్కు కనీస ధర రూ.1.5 లక్షలుగా ఖరారు చేశారు. ఈ లీగ్ ద్వారా యువ ఆటగాళ్లు అంతర్జాతీయ స్థాయి స్టార్లతో డ్రెస్సింగ్ రూమ్ పంచుకోవడం వారి భవిష్యత్తుకు ఎంతో మేలు చేస్తుందని పీసీఏ అధ్యక్షుడు అమర్జీత్ సింగ్ మెహతా ఆశాభావం వ్యక్తం చేశారు.
ఈ లీగ్ తొలి సీజన్ ఆగస్టు 30 నుంచి సెప్టెంబర్ 13 వరకు నిర్వహించనున్నారు. ఇందులో అమృత్సర్, ఫాజిల్కా, జలంధర్, లూధియానా, మొహాలీ, బఠిండా ప్రాతినిధ్యం వహించే ఆరు ఫ్రాంచైజీలు తలపడనున్నాయి. రౌండ్-రాబిన్ పద్ధతిలో మొత్తం 27 మ్యాచ్లు జరుగుతాయి. శుభ్మన్ గిల్, అర్ష్దీప్ సింగ్లతో పాటు అభిషేక్ శర్మ, గుర్నూర్ బ్రార్, ప్రభ్సిమ్రాన్ సింగ్ వంటి స్టార్ ప్లేయర్లు ఈ టోర్నీలో సందడి చేయనున్నారు. పంజాబ్ క్రికెట్ అసోసియేషన్ (పీసీఏ) కార్యదర్శి గుర్మీత్ సింగ్ మీత్ హేయర్, అధ్యక్షుడు అమర్జీత్ సింగ్ మెహతా ఈ లీగ్ను ఘనంగా ప్రారంభించారు.
ఈ సందర్భంగా శుభ్మన్ గిల్ మాట్లాడుతూ.. “యువ క్రికెటర్లు తమ ప్రతిభను చాటుకుని, పంజాబ్, భారత జట్లకు ఎంపికయ్యేందుకు ఇది ఒక అద్భుతమైన వేదిక” అని పేర్కొన్నాడు. ముఖ్యమంత్రి భగవంత్ సింగ్ మాన్ ఆలోచనలకు అనుగుణంగా ఈ లీగ్ రూపుదిద్దుకుందని, లాలా అమర్నాథ్, యువరాజ్ సింగ్ వంటి దిగ్గజాల వారసత్వాన్ని ఇది కొనసాగిస్తుందని పీసీఏ కార్యదర్శి మీత్ హేయర్ తెలిపారు.
ఈ లీగ్ నిమిత్తం ఆగస్టు 9న ఆటగాళ్ల వేలం నిర్వహించనున్నారు. ప్రతి ఫ్రాంచైజీకి రూ.45 లక్షల మేర వేతన పరిమితిని నిర్ణయించారు. మార్క్యూ ప్లేయర్కు రూ.10 లక్షలు, ఐకాన్ ప్లేయర్కు కనీస ధర రూ.1.5 లక్షలుగా ఖరారు చేశారు. ఈ లీగ్ ద్వారా యువ ఆటగాళ్లు అంతర్జాతీయ స్థాయి స్టార్లతో డ్రెస్సింగ్ రూమ్ పంచుకోవడం వారి భవిష్యత్తుకు ఎంతో మేలు చేస్తుందని పీసీఏ అధ్యక్షుడు అమర్జీత్ సింగ్ మెహతా ఆశాభావం వ్యక్తం చేశారు.
