విజయ్ సేతుపతి వల్లే ఆ పాత్రలో మెప్పించా: ఐశ్వర్య రాజేశ్
- 22 ఏళ్ల వయసులోనే ఇద్దరు పిల్లల తల్లిగా నటించానన్న ఐశ్వర్య
- ఆ పాత్ర చేయడానికి విజయ్ సేతుపతి కొండంత అండగా నిలిచారని వెల్లడి
- విజయ్ సేతుపతి తనను నమ్మారన్న ఐశ్వర్య
హీరోయిన్ ఐశ్వర్య రాజేశ్, వైవిధ్యమైన పాత్రలతో తనకంటూ ఒక ప్రత్యేక గుర్తింపు తెచ్చుకుంది. ఇటీవల 'సంక్రాంతికి వస్తున్నాం' చిత్రంతో ఐశ్వర్య ఘన విజయాన్ని అందుకుంది. తిరువీర్ సరసన నటించిన 'ఓ సుకుమారి' సినిమా విడుదలకు సిద్ధమవుతోంది. భరత్ దర్శన్ దర్శకత్వంలో గంగా ఎంటర్టైన్మెంట్స్ బ్యానర్పై మహేశ్వర్ రెడ్డి మూలి నిర్మించిన ఈ చిత్రం జూలై 17న థియేటర్లలోకి రానుంది.
ఈ సినిమా ప్రమోషన్స్ ఇంటర్వ్యూలో ఐశ్వర్య తన కెరీర్ ఆరంభంలో ఎదురైన ఒక ఆసక్తికరమైన సాహసాన్ని గుర్తుచేసుకుంది. తనకు కేవలం 22 ఏళ్ల వయసు ఉన్నప్పుడే 'కా పే రణసింగం' (వైఫ్ ఆఫ్ రణసింగం) అనే చిత్రంలో ఇద్దరు పిల్లల తల్లిగా నటించానని ఆమె వెల్లడించింది. కెరీర్ పతనం అవుతుందేమోనన్న భయాలున్న ఆ చిన్న వయసులో, అంతటి బరువైన పాత్రను చేయడానికి హీరో విజయ్ సేతుపతి తనకు కొండంత అండగా నిలిచారని తెలిపింది.
ఆ పాత్రను తాను సమర్థవంతంగా పోషించగలనని విజయ్ సేతుపతి నమ్మడమే కాకుండా, సెట్స్లో హావభావాలు ఎలా పండించాలో దగ్గరుండి నేర్పించారని ఐశ్వర్య చెప్పింది. విజయ్ సేతుపతి వంటి గొప్ప నటుడి ప్రోత్సాహం వల్లే ఆ పాత్రలో మెప్పించగలిగానని తెలిపింది.
