ఘనంగా ప్రారంభమైన నార్నే నితిన్ కొత్త సినిమా.. ఇద్దరు హీరోయిన్లతో!
- నార్నే నితిన్ హీరోగా కేవీఎన్ ప్రొడక్షన్స్ కొత్త సినిమా
- పూజా కార్యక్రమాలతో ప్రారంభం
- అనిఖా సురేంద్రన్, మేఘా శెట్టి హీరోయిన్లుగా ఎంపిక
- రాధా కృష్ణ రెడ్డి దర్శకత్వం
- ప్రముఖ సినిమాటోగ్రాఫర్ సెంథిల్ కుమార్ కెమెరామెన్గా బాధ్యతలు
ప్రముఖ నిర్మాణ సంస్థ కేవీఎన్ ప్రొడక్షన్స్ ఈ చిత్రాన్ని నిర్మిస్తుండగా, రాధా కృష్ణ రెడ్డి దర్శకత్వ బాధ్యతలు చేపట్టారు. యూత్ఫుల్ రొమాంటిక్ ఎంటర్టైనర్గా ఈ సినిమా తెరకెక్కనుంది. ముహూర్తపు షాట్కు నిర్మాత వెంకట్ కె. నారాయణ క్లాప్ కొట్టగా, ప్రముఖ సినిమాటోగ్రాఫర్ కె.కె. సెంథిల్ కుమార్ కెమెరా స్విచ్ ఆన్ చేశారు. కళ్యాణ్ శంకర్ తొలి షాట్కు గౌరవ దర్శకత్వం వహించారు.
ఈ చిత్రానికి వివేక్-మెర్విన్ సంగీతం అందిస్తుండగా, 'బాహుబలి', 'ఆర్ఆర్ఆర్' వంటి చిత్రాలకు పనిచేసిన సెంథిల్ కుమార్ సినిమాటోగ్రాఫర్గా వ్యవహరించనుండటం విశేషం. పూజా కార్యక్రమాల అనంతరం చిత్ర యూనిట్ త్వరలోనే మరిన్ని అప్డేట్స్ అందిస్తామని ప్రకటించింది. ఈ వేడుకకు పలువురు సినీ ప్రముఖులు హాజరై చిత్ర బృందానికి శుభాకాంక్షలు తెలిపారు.
