గాయంతో విరాట్ కోహ్లీ దూరం.. అఫ్ఘనిస్థాన్తో పోరుకు యంగ్ ఇండియా సిద్దం!
- గాయం నుంచి కోలుకున్న హార్దిక్ పాండ్యా
- ఆఫ్ఘనిస్థాన్తో వన్డే సిరీస్కు అందుబాటులోకి
- హ్యామ్స్ట్రింగ్ గాయంతో వన్డే సిరీస్ మొత్తానికి కోహ్లీ దూరం
- రోహిత్శర్మ ఫిట్నెస్పై కొనసాగుతున్న ఉత్కంఠ
- జట్టుకు సారథ్యం వహించనున్న శుభ్మన్ గిల్
- 13 నుంచి ధర్మశాల వేదికగా వన్డే సిరీస్ ప్రారంభం
ఐపీఎల్ ముగిసిన తర్వాత వెన్నునొప్పి సమస్యలతో బాధపడిన హార్దిక్ పాండ్యా, బెంగళూరులోని బీసీసీఐ 'సెంటర్ ఆఫ్ ఎక్సలెన్స్' (CoE) లో విజయవంతంగా పునరావాసం పూర్తి చేసుకుని జట్టుతో కలవడానికి సిద్ధమయ్యాడు. మరోవైపు, ఐపీఎల్ ఫైనల్ మ్యాచ్లో హ్యామ్స్ట్రింగ్ గాయానికి గురైన విరాట్ కోహ్లీ స్థానంలో యువ ఓపెనర్ యశస్వి జైస్వాల్ను ఎంపిక చేశారు. ఇక రోహిత్ శర్మ కూడా బెంగళూరులోనే ఫిట్నెస్ పరీక్షలు ఎదుర్కొంటున్నప్పటికీ, వైద్య బృందం నుంచి ఇంకా తుది అనుమతి లభించాల్సి ఉంది.
సీనియర్ల గైర్హాజరీ నేపథ్యంలో ఈ సిరీస్లో భారత జట్టును యువ సంచలనం శుభ్మన్ గిల్ నడిపించనున్నాడు. ఇప్పటికే అఫ్ఘనిస్థాన్తో జరిగిన ఏకైక టెస్టు మ్యాచ్లో ఘనవిజయం సాధించిన భారత్.. అదే ఊపును వన్డేల్లోనూ కొనసాగించాలని భావిస్తోంది. ఇరు జట్ల మధ్య జూన్ 13న ధర్మశాల వేదికగా మొదటి వన్డే జరగనుండగా, ఆ తర్వాత లక్నో, చెన్నై నగరాలు మిగిలిన మ్యాచ్లకు ఆతిథ్యం ఇవ్వనున్నాయి.
