నాకు కొండంత అండగా నిలబడ్డారు.. సిద్ధరామయ్యపై డీకే ప్రశంసల వర్షం
- సిద్ధరామయ్య రాజీనామా తర్వాత డీకే మొదటి ప్రకటన
- సిద్ధరామయ్య ప్రస్థానంపై ప్రశంసలు
- కలిసికట్టుగా ముందుకు సాగుతామని వెల్లడి
- సిద్ధరామయ్య మార్గదర్శకత్వం స్ఫూర్తినిస్తుందని ఆశాభావం
- భుజం భుజం కలిపి పార్టీని బలోపేతం చేశామన్న డీకే
కర్ణాటక ముఖ్యమంత్రి పదవికి రాజీనామా చేసిన సిద్ధరామయ్యపై ఉప ముఖ్యమంత్రి డీకే శివకుమార్ ప్రశంసల వర్షం కురిపించారు. ఆయన కర్ణాటకకు అందించిన సేవలను కొనియాడారు. సిద్ధరామయ్య రాజకీయ ప్రస్థానం సామాజిక న్యాయానికి, పట్టుదలకు నిదర్శనమని అభివర్ణించారు.
భుజం భుజం కలిపి పార్టీని బలోపేతం చేశాం
దేవుడు వరాలు లేదా శాపాలు ఇవ్వడని, కేవలం అవకాశాలు మాత్రమే ఇస్తాడని, వాటిని మనం ఎలా వాడుకుంటామనేదే ముఖ్యమని శివకుమార్ పేర్కొన్నారు. మైసూరులో ఓ సాధారణ గ్రామం నుంచి వచ్చి రాష్ట్ర ముఖ్యమంత్రిగా ఎదిగిన సిద్ధరామయ్య జీవితం అందరికీ ఆదర్శమన్నారు. 2020లో తాను కేపీసీసీ అధ్యక్షుడిగా బాధ్యతలు చేపట్టినప్పటి నుంచి ఆయన తనకు ఓ కొండలా అండగా నిలిచారని గుర్తు చేసుకున్నారు. ఇద్దరం భుజం భుజం కలిపి పార్టీని బలోపేతం చేశామని, ఉప ముఖ్యమంత్రిగా ఆయనతో కలిసి పనిచేయడం అదృష్టమని చెప్పారు.
కలిసి నడిస్తేనే
వేగంగా నడవాలనుకుంటే ఒంటరిగా నడవాలని, కానీ సుదూర ప్రయాణం చేయాలనుకుంటే అందరూ కలిసి నడవాలనే సామెతను శివకుమార్ ఈ సందర్భంగా గుర్తు చేశారు. కర్ణాటక ప్రజల కోసం తామంతా కలిసికట్టుగా ఈ ప్రయాణాన్ని ముందుకు తీసుకెళతామని స్పష్టం చేశారు. భవిష్యత్తులో కూడా సిద్ధరామయ్య మార్గదర్శకత్వం తమకు స్ఫూర్తినిస్తుందని ఆశాభావం వ్యక్తం చేశారు. నాయకత్వ మార్పు జరుగుతున్న ఈ తరుణంలో పార్టీలో ఐక్యతను కాపాడుకుంటామని స్పష్టం చేశారు.
అధిష్ఠానంతో భేటీ
మరోవైపు సిద్ధరామయ్య శుక్రవారం ఢిల్లీలో కాంగ్రెస్ అగ్రనేత రాహుల్ గాంధీ, ఏఐసీసీ అధ్యక్షుడు మల్లికార్జున ఖర్గేలతో సమావేశమయ్యారు. ఈ భేటీలో పలువురు కర్ణాటక ఎమ్మెల్యేలు కూడా పాల్గొన్నారు. రాబోయే రాజ్యసభ ఎన్నికలు, పార్టీలో సిద్ధరామయ్యకు ఇవ్వబోయే కొత్త బాధ్యతలతో పాటు డీకే శివకుమార్ నేతృత్వంలో ఏర్పడబోయే కొత్త మంత్రివర్గ కూర్పుపై ఈ సమావేశంలో సుదీర్ఘంగా చర్చించినట్లు తెలుస్తోంది.
భుజం భుజం కలిపి పార్టీని బలోపేతం చేశాం
దేవుడు వరాలు లేదా శాపాలు ఇవ్వడని, కేవలం అవకాశాలు మాత్రమే ఇస్తాడని, వాటిని మనం ఎలా వాడుకుంటామనేదే ముఖ్యమని శివకుమార్ పేర్కొన్నారు. మైసూరులో ఓ సాధారణ గ్రామం నుంచి వచ్చి రాష్ట్ర ముఖ్యమంత్రిగా ఎదిగిన సిద్ధరామయ్య జీవితం అందరికీ ఆదర్శమన్నారు. 2020లో తాను కేపీసీసీ అధ్యక్షుడిగా బాధ్యతలు చేపట్టినప్పటి నుంచి ఆయన తనకు ఓ కొండలా అండగా నిలిచారని గుర్తు చేసుకున్నారు. ఇద్దరం భుజం భుజం కలిపి పార్టీని బలోపేతం చేశామని, ఉప ముఖ్యమంత్రిగా ఆయనతో కలిసి పనిచేయడం అదృష్టమని చెప్పారు.
కలిసి నడిస్తేనే
వేగంగా నడవాలనుకుంటే ఒంటరిగా నడవాలని, కానీ సుదూర ప్రయాణం చేయాలనుకుంటే అందరూ కలిసి నడవాలనే సామెతను శివకుమార్ ఈ సందర్భంగా గుర్తు చేశారు. కర్ణాటక ప్రజల కోసం తామంతా కలిసికట్టుగా ఈ ప్రయాణాన్ని ముందుకు తీసుకెళతామని స్పష్టం చేశారు. భవిష్యత్తులో కూడా సిద్ధరామయ్య మార్గదర్శకత్వం తమకు స్ఫూర్తినిస్తుందని ఆశాభావం వ్యక్తం చేశారు. నాయకత్వ మార్పు జరుగుతున్న ఈ తరుణంలో పార్టీలో ఐక్యతను కాపాడుకుంటామని స్పష్టం చేశారు.
అధిష్ఠానంతో భేటీ
మరోవైపు సిద్ధరామయ్య శుక్రవారం ఢిల్లీలో కాంగ్రెస్ అగ్రనేత రాహుల్ గాంధీ, ఏఐసీసీ అధ్యక్షుడు మల్లికార్జున ఖర్గేలతో సమావేశమయ్యారు. ఈ భేటీలో పలువురు కర్ణాటక ఎమ్మెల్యేలు కూడా పాల్గొన్నారు. రాబోయే రాజ్యసభ ఎన్నికలు, పార్టీలో సిద్ధరామయ్యకు ఇవ్వబోయే కొత్త బాధ్యతలతో పాటు డీకే శివకుమార్ నేతృత్వంలో ఏర్పడబోయే కొత్త మంత్రివర్గ కూర్పుపై ఈ సమావేశంలో సుదీర్ఘంగా చర్చించినట్లు తెలుస్తోంది.
