WHO: అదే అతి పెద్ద దోషి: డబ్ల్యూహెచ్ఓ
ప్రపంచవ్యాప్తంగా ప్రతి 10 క్యాన్సర్ కేసుల్లో దాదాపు 4 కేసులను నివారించవచ్చని ప్రపంచ ఆరోగ్య సంస్థ (డబ్ల్యూహెచ్ఓ), దాని అనుబంధ అంతర్జాతీయ క్యాన్సర్ పరిశోధన ఏజెన్సీ (ఐఏఆర్సీ) సంచలన నివేదికను వెల్లడించాయి. దీని ప్రకారం, ఏటా నమోదయ్యే కేసుల్లో సుమారు 71 లక్షల క్యాన్సర్లకు మన జీవనశైలి, అలవాట్లే కారణమని తేలింది. ప్రపంచ క్యాన్సర్ దినోత్సవం సందర్భంగా బుధవారం ఈ అధ్యయనాన్ని విడుదల చేశారు.
2022 నాటి గణాంకాల ప్రకారం, క్యాన్సర్ విషయంలో పొగాకు వాడకం అతి పెద్ద దోషిగా నిలిచింది. మొత్తం కేసుల్లో 15 శాతం పొగాకు వల్లే వస్తున్నాయని గుర్తించారు. దీని తర్వాత 9 రకాల ఇన్ఫెక్షన్లు 10 శాతం క్యాన్సర్లకు కారణమవుతున్నాయని తొలిసారిగా ఈ అధ్యయనంలో తేల్చారు. మద్యపానం, అధిక బరువు, శారీరక శ్రమ లేకపోవడం, వాయు కాలుష్యం, అతినీలలోహిత కిరణాల ప్రభావం వంటివి ఇతర ప్రధాన కారణాలుగా ఉన్నాయి.
185 దేశాల నుంచి 36 రకాల క్యాన్సర్లపై సేకరించిన సమాచారంతో ఈ విశ్లేషణ చేశారు. ఊపిరితిత్తులు, కడుపు, గర్భాశయ ముఖద్వార క్యాన్సర్లు.. ఈ మూడు రకాలే నివారించదగిన క్యాన్సర్లలో దాదాపు సగం వాటాను కలిగి ఉన్నాయి. పొగతాగడం, కాలుష్యం వల్ల ఊపిరితిత్తుల క్యాన్సర్; హెలికోబాక్టర్ పైలోరీ ఇన్ఫెక్షన్ వల్ల కడుపు క్యాన్సర్; హ్యూమన్ పాపిలోమావైరస్ (హెచ్ పీవీ) వల్ల గర్భాశయ ముఖద్వార క్యాన్సర్ వస్తున్నట్లు గుర్తించారు.
"నివారించగల కారణాల వల్ల ఎంత క్యాన్సర్ ముప్పు ఉందో చూపించే మొట్టమొదటి ప్రపంచ విశ్లేషణ ఇది" అని డబ్ల్యూహెచ్ఓ క్యాన్సర్ కంట్రోల్ టీమ్ లీడ్, అధ్యయన రచయిత డాక్టర్ ఇల్బావి తెలిపారు. మహిళలతో (30 శాతం) పోలిస్తే పురుషుల్లో (45 శాతం) నివారించదగిన క్యాన్సర్ల భారం గణనీయంగా ఎక్కువగా ఉందని నివేదిక పేర్కొంది. పొగాకు నియంత్రణ, హెచ్ పీవీ వ్యాక్సిన్లు, ఆరోగ్యకరమైన జీవనశైలి ద్వారా ఈ ముప్పును తగ్గించుకోవచ్చని అధ్యయనం సూచించింది.
2022 నాటి గణాంకాల ప్రకారం, క్యాన్సర్ విషయంలో పొగాకు వాడకం అతి పెద్ద దోషిగా నిలిచింది. మొత్తం కేసుల్లో 15 శాతం పొగాకు వల్లే వస్తున్నాయని గుర్తించారు. దీని తర్వాత 9 రకాల ఇన్ఫెక్షన్లు 10 శాతం క్యాన్సర్లకు కారణమవుతున్నాయని తొలిసారిగా ఈ అధ్యయనంలో తేల్చారు. మద్యపానం, అధిక బరువు, శారీరక శ్రమ లేకపోవడం, వాయు కాలుష్యం, అతినీలలోహిత కిరణాల ప్రభావం వంటివి ఇతర ప్రధాన కారణాలుగా ఉన్నాయి.
185 దేశాల నుంచి 36 రకాల క్యాన్సర్లపై సేకరించిన సమాచారంతో ఈ విశ్లేషణ చేశారు. ఊపిరితిత్తులు, కడుపు, గర్భాశయ ముఖద్వార క్యాన్సర్లు.. ఈ మూడు రకాలే నివారించదగిన క్యాన్సర్లలో దాదాపు సగం వాటాను కలిగి ఉన్నాయి. పొగతాగడం, కాలుష్యం వల్ల ఊపిరితిత్తుల క్యాన్సర్; హెలికోబాక్టర్ పైలోరీ ఇన్ఫెక్షన్ వల్ల కడుపు క్యాన్సర్; హ్యూమన్ పాపిలోమావైరస్ (హెచ్ పీవీ) వల్ల గర్భాశయ ముఖద్వార క్యాన్సర్ వస్తున్నట్లు గుర్తించారు.
"నివారించగల కారణాల వల్ల ఎంత క్యాన్సర్ ముప్పు ఉందో చూపించే మొట్టమొదటి ప్రపంచ విశ్లేషణ ఇది" అని డబ్ల్యూహెచ్ఓ క్యాన్సర్ కంట్రోల్ టీమ్ లీడ్, అధ్యయన రచయిత డాక్టర్ ఇల్బావి తెలిపారు. మహిళలతో (30 శాతం) పోలిస్తే పురుషుల్లో (45 శాతం) నివారించదగిన క్యాన్సర్ల భారం గణనీయంగా ఎక్కువగా ఉందని నివేదిక పేర్కొంది. పొగాకు నియంత్రణ, హెచ్ పీవీ వ్యాక్సిన్లు, ఆరోగ్యకరమైన జీవనశైలి ద్వారా ఈ ముప్పును తగ్గించుకోవచ్చని అధ్యయనం సూచించింది.
