నా వక్షోజాలు నిజమైనవే: లై డిటెక్టర్ టెస్టులో రూమర్స్‌కు చెక్ పెట్టిన హాలీవుడ్ నటి సిడ్నీ స్వీనీ

ప్రముఖ హాలీవుడ్ నటి సిడ్నీ స్వీనీ తనపై చాలాకాలంగా వస్తున్న ఓ రూమర్‌కు లై డిటెక్టర్ టెస్ట్ ద్వారా ఫుల్ క్లారిటీ ఇచ్చారు. తన వక్షోజాలు నిజమైనవేనా అనే ప్రశ్నకు ఆమె సూటిగా, నిజాయతీగా సమాధానమిచ్చారు. 'వానిటీ ఫెయిర్' మ్యాగజైన్ కోసం నిర్వహించిన ఈ కార్యక్రమంలో ఆమె తన సహనటి అమండా సైఫ్రీడ్‌తో కలిసి పాల్గొన్నారు.

ఈ టెస్టులో భాగంగా అమండా... "చాలా మంది మనసులో ఒక ప్రశ్న ఉంది. నీ వక్షోజాలు నిజమైనవేనా?" అని సిడ్నీని అడిగారు. ఈ ప్రశ్నకు సిడ్నీ నవ్వుతూ "అవును" అని సమాధానమిచ్చారు. వాటికి ఎప్పుడైనా సర్జరీ చేయించుకున్నావా? అని అమండా అడగ్గా, "లేదు, నేను నా శరీరంలో ఏ భాగానికీ ఎప్పుడూ ఎలాంటి సర్జరీ చేయించుకోలేదు" అని 28 ఏళ్ల సిడ్నీ స్పష్టం చేశారు. ఆమె చెప్పింది నిజమేనని పాలిగ్రాఫ్ ఎగ్జామినర్ కూడా నిర్ధారించారు.

సిడ్నీ తన బ్రెస్ట్ ఇంప్లాంటేషన్ రూమర్లను ఖండించడం ఇది మొదటిసారి కాదు. గతంలో 'అలూర్' మ్యాగజైన్‌తో మాట్లాడుతూ, తనకు సూదులంటే చాలా భయమని, అందుకే సర్జరీల జోలికి వెళ్లలేదని తెలిపారు. "12 ఏళ్ల వయసులో ఉన్న ఫొటోను, 26 ఏళ్ల వయసులో ప్రొఫెషనల్ మేకప్, లైటింగ్‌తో ఉన్న ఫొటోతో పోల్చలేరు కదా? సహజంగానే మార్పు కనిపిస్తుంది. సోషల్ మీడియాలో అందరూ పిచ్చిగా ప్రవర్తిస్తారు" అని ఆమె వ్యాఖ్యానించారు.

మరో ఇంటర్వ్యూలో తాను సహజంగానే వృద్ధాప్యంలోకి అడుగుపెట్టాలనుకుంటున్నట్లు సిడ్నీ చెప్పారు. కాగా, సిడ్నీ స్వీనీ, అమండా సైఫ్రీడ్ కలిసి నటించిన 'ది హౌస్‌మెయిడ్' సినిమా డిసెంబర్ 19న విడుదల కానుంది.