Ponguleti Srinivas Reddy: పొంగులేటి శ్రీనివాస్ రెడ్డిగా సుమన్: త్వరలో 'శ్రీనన్న అందరివాడు' బయోపిక్!
తెలంగాణ రాజకీయాల్లో కీలక నేతగా, ప్రస్తుత రెవెన్యూ శాఖ మంత్రిగా ఉన్న పొంగులేటి శ్రీనివాస్ రెడ్డి జీవిత ప్రస్థానం వెండితెరపై ఆవిష్కృతం కానుంది. ఆయన జీవిత కథ ఆధారంగా ఓ బయోపిక్ తెరకెక్కుతుండటం ప్రస్తుతం ఆసక్తిని రేపుతోంది. ఈ చిత్రంలో పొంగులేటి పాత్రను ప్రముఖ సీనియర్ నటుడు సుమన్ పోషించనున్నారు.
ఈ సినిమాకు 'శ్రీనన్న అందరివాడు' అనే పేరును ఖరారు చేశారు. మంత్రి పొంగులేటి వ్యక్తిగత జీవితంలోని ముఖ్య ఘట్టాలతో పాటు, ఆయన రాజకీయ ప్రయాణాన్ని కూడా ఈ చిత్రంలో సమగ్రంగా చూపించనున్నట్లు తెలుస్తోంది. ఒక సాధారణ స్థాయి నుంచి కీలక రాజకీయ నేతగా ఆయన ఎదిగిన తీరును ఈ చిత్రంలో ప్రధానంగా ఆవిష్కరించనున్నారు.
ఈ చిత్రానికి బయ్య వెంకట నర్సింహ రాజ్ దర్శకత్వం వహించనున్నారు. త్వరలోనే ఈ సినిమా షూటింగ్ను ప్రారంభించేందుకు చిత్రబృందం సన్నాహాలు చేస్తోంది. నటీనటులు, ఇతర సాంకేతిక నిపుణుల వివరాలను త్వరలో అధికారికంగా ప్రకటించనున్నారు. ఈ చిత్రం తెలుగుతో పాటు హిందీ, తమిళం, కన్నడ, మలయాళం, అస్సామీ భాషల్లో తెరకెక్కనుంది. కాగా, నటుడు సుమన్కు ఇది 103వ చిత్రం.
ఈ సినిమాకు 'శ్రీనన్న అందరివాడు' అనే పేరును ఖరారు చేశారు. మంత్రి పొంగులేటి వ్యక్తిగత జీవితంలోని ముఖ్య ఘట్టాలతో పాటు, ఆయన రాజకీయ ప్రయాణాన్ని కూడా ఈ చిత్రంలో సమగ్రంగా చూపించనున్నట్లు తెలుస్తోంది. ఒక సాధారణ స్థాయి నుంచి కీలక రాజకీయ నేతగా ఆయన ఎదిగిన తీరును ఈ చిత్రంలో ప్రధానంగా ఆవిష్కరించనున్నారు.
ఈ చిత్రానికి బయ్య వెంకట నర్సింహ రాజ్ దర్శకత్వం వహించనున్నారు. త్వరలోనే ఈ సినిమా షూటింగ్ను ప్రారంభించేందుకు చిత్రబృందం సన్నాహాలు చేస్తోంది. నటీనటులు, ఇతర సాంకేతిక నిపుణుల వివరాలను త్వరలో అధికారికంగా ప్రకటించనున్నారు. ఈ చిత్రం తెలుగుతో పాటు హిందీ, తమిళం, కన్నడ, మలయాళం, అస్సామీ భాషల్లో తెరకెక్కనుంది. కాగా, నటుడు సుమన్కు ఇది 103వ చిత్రం.
