Salman Khan: రామ జన్మభూమి గడియారం ధరించిన సల్మాన్ ఖాన్... ధర ఎంతో తెలుసా...?
బాలీవుడ్ స్టార్ హీరో సల్మాన్ ఖాన్ చేతికి సరికొత్త వాచ్ తో దర్శనమిచ్చారు. అయోధ్య రామాలయం, శ్రీరాముడు, హనుమంతుడు, ఇతర పవిత్ర చిహ్నాలతో కూడిన స్పెషల్ గడియారాన్ని సల్మాన్ ధరించి ఉన్న ఫొటోలు సామాజిక మాధ్యమాల్లో వైరల్ అవుతున్నాయి. సల్మాన్ ఖాన్ సంస్కృతిని గౌరవించారంటూ అభిమానులు ప్రశంసలతో ముంచెత్తారు.
కాగా, సల్మాన్ ఖాన్ ధరించింది లిమిటెడ్ ఎడిషన్ లగ్జరీ వాచ్. అయితే దీన్ని రామ జన్మభూమి కాన్సెప్ట్ తో డిజైన్ చేశారు. ఈ ఫొటోను సల్మాన్ సోషల్ మీడియా పంచుకున్నారు. సల్మాన్ ఖాన్ నీలి రంగు చొక్కా ధరించి, కాషాయ రంగు గల వాచ్‌ను చూపిస్తూ "మార్చి 30న థియేటర్లలో కలుద్దాం" అని క్యాప్షన్ ఇచ్చారు.
ఈ వాచ్ ధర సుమారు రూ. 61 లక్షలు. 'ఎపిక్ ఎక్స్ రామ్ జన్మభూమి రోజ్ గోల్డ్ ఎడిషన్' పేరుతో ఉన్న ఈ వాచ్‌లో హిందూ దేవతల పవిత్ర చిహ్నాలు ఉన్నాయి. దీన్ని జాకబ్ అండ్ కో సంస్థ తయారుచేసింది.
సల్మాన్ ఖాన్ ప్రస్తుతం 'సికందర్' అనే యాక్షన్ డ్రామాలో నటిస్తున్నారు. ఈ చిత్రానికి సెన్సార్ బోర్డు U/A 13+ రేటింగ్‌ను ఇచ్చింది. ఈ సినిమా మార్చి 30న థియేటర్లలో విడుదల కానుంది. ఏఆర్ మురుగదాస్ దర్శకత్వం వహించిన ఈ చిత్రంలో రష్మిక మందన్న, సత్యరాజ్, ప్రతీక్ స్మితా పాటిల్, కాజల్ అగర్వాల్ తదితరులు నటించారు.
