కశ్మీర్లో ఎన్కౌంటర్.. లష్కరే టాప్ కమాండర్ హతం
- జమ్మూకశ్మీర్లోని బద్గాంలో జరిగిన ఎన్కౌంటర్
- లష్కరే తోయిబా టాప్ కమాండర్ సులేమాన్ షా హతం
- యూస్మార్గ్ అటవీ ప్రాంతంలో భద్రతా బలగాల జాయింట్ ఆపరేషన్
- పిర్ పంజాల్ రేంజ్లో పలు దాడుల్లో కీలక నిందితుడిగా ఉన్న మూసా
- లష్కరే ఉగ్రవాద సంస్థకు ఇది పెద్ద ఎదురుదెబ్బ అని వెల్లడి
జమ్మూకశ్మీర్లో భద్రతా బలగాలకు కీలక విజయం లభించింది. సెంట్రల్ కశ్మీర్లోని బద్గాం జిల్లాలో మంగళవారం రాత్రి జరిగిన ఎన్కౌంటర్లో లష్కరే తోయిబా (ఎల్ఈటీ)కి చెందిన ఓ టాప్ కమాండర్ హతమయ్యాడు. హతమైన ఉగ్రవాదిని సులేమాన్ షా అలియాస్ 'మూసా' లేదా 'ఫౌజీ మూసా'గా అధికారులు గుర్తించారు. ఈ ప్రాంతంలో లష్కరే ఉగ్రవాద కార్యకలాపాలకు ఇది గట్టి ఎదురుదెబ్బ అని భద్రతా వర్గాలు విశ్లేషిస్తున్నాయి.
బద్గాం జిల్లాలోని ఎగువ ప్రాంతాలైన యూస్మార్గ్ పరిధిలోని కోరాగ్ ఏరియాలో ఈ ఎన్కౌంటర్ చోటుచేసుకుంది. భారత సైన్యానికి చెందిన చినార్ కార్ప్స్, జమ్మూకశ్మీర్ పోలీస్, సీఆర్పీఎఫ్ దళాలు సంయుక్తంగా ఈ ఆపరేషన్ నిర్వహించాయి. యూస్మార్గ్లోని దూద్పత్రి అటవీ ప్రాంతంలో అనుమానాస్పద కదలికలను గమనించిన సైనికులు, వారిని లొంగిపోవాలని హెచ్చరించారు. అయితే, ఉగ్రవాదులు కాల్పులకు తెగబడటంతో భద్రతా బలగాలు దీటుగా ఎదురుకాల్పులు జరిపాయి. ఈ కాల్పుల్లో సులేమాన్ షా అక్కడికక్కడే హతమయ్యాడని ఆర్మీ వర్గాలు ధ్రువీకరించాయి.
పిర్ పంజాల్ పర్వత శ్రేణుల్లో జరిగిన అనేక ఉగ్రదాడుల్లో మూసా కీలక నిందితుడిగా ఉన్నాడు. ఇతడి కోసం భద్రతా దళాలు చాలా కాలంగా గాలిస్తున్నాయి. గతంలో సెప్టెంబర్ 5న యూస్మార్గ్ కొండల్లో జరిగిన ఓ ఎన్కౌంటర్ నుంచి ఇతడు చాకచక్యంగా తప్పించుకున్నాడు. ఆ ఘటనలో అతని సహచరుడు యాసిర్ హతమయ్యాడు. అప్పటి నుంచి తప్పించుకు తిరుగుతున్న మూసాను ఎట్టకేలకు భద్రతా దళాలు మట్టుబెట్టాయి. ప్రస్తుతం ఆ ప్రాంతాన్ని దళాలు తమ అధీనంలోకి తీసుకుని, పరిసరాల్లో గాలింపు చర్యలను ముమ్మరంగా కొనసాగిస్తున్నాయి. మరిన్ని వివరాలు తెలియాల్సి ఉంది.
బద్గాం జిల్లాలోని ఎగువ ప్రాంతాలైన యూస్మార్గ్ పరిధిలోని కోరాగ్ ఏరియాలో ఈ ఎన్కౌంటర్ చోటుచేసుకుంది. భారత సైన్యానికి చెందిన చినార్ కార్ప్స్, జమ్మూకశ్మీర్ పోలీస్, సీఆర్పీఎఫ్ దళాలు సంయుక్తంగా ఈ ఆపరేషన్ నిర్వహించాయి. యూస్మార్గ్లోని దూద్పత్రి అటవీ ప్రాంతంలో అనుమానాస్పద కదలికలను గమనించిన సైనికులు, వారిని లొంగిపోవాలని హెచ్చరించారు. అయితే, ఉగ్రవాదులు కాల్పులకు తెగబడటంతో భద్రతా బలగాలు దీటుగా ఎదురుకాల్పులు జరిపాయి. ఈ కాల్పుల్లో సులేమాన్ షా అక్కడికక్కడే హతమయ్యాడని ఆర్మీ వర్గాలు ధ్రువీకరించాయి.
పిర్ పంజాల్ పర్వత శ్రేణుల్లో జరిగిన అనేక ఉగ్రదాడుల్లో మూసా కీలక నిందితుడిగా ఉన్నాడు. ఇతడి కోసం భద్రతా దళాలు చాలా కాలంగా గాలిస్తున్నాయి. గతంలో సెప్టెంబర్ 5న యూస్మార్గ్ కొండల్లో జరిగిన ఓ ఎన్కౌంటర్ నుంచి ఇతడు చాకచక్యంగా తప్పించుకున్నాడు. ఆ ఘటనలో అతని సహచరుడు యాసిర్ హతమయ్యాడు. అప్పటి నుంచి తప్పించుకు తిరుగుతున్న మూసాను ఎట్టకేలకు భద్రతా దళాలు మట్టుబెట్టాయి. ప్రస్తుతం ఆ ప్రాంతాన్ని దళాలు తమ అధీనంలోకి తీసుకుని, పరిసరాల్లో గాలింపు చర్యలను ముమ్మరంగా కొనసాగిస్తున్నాయి. మరిన్ని వివరాలు తెలియాల్సి ఉంది.
