శునకం ఫుట్​ బాల్​ ఆడితే... వైరల్​ వీడియో ఇదిగో!

అదో బీచ్... అక్కడ ఇద్దరు ఫుట్ బాల్ ఆడుతున్నారు... బాల్ ను ఎక్కడా మిస్ కాకుండా చాలా చాకచక్యంగా పాస్ చేసుకుంటున్నారు. అందులో ఒకరికి నాలుగు కాళ్లు ఉంటే... మరొకరికి రెండు కాళ్లు ఉన్నాయి. ఇదేమిటని అనిపిస్తోందా? నిజమే... ఆ ఇద్దరిలో ఒకరు శునకం అయితే, మరొకరు దాని యజమాని.

బ్రెజిల్ లోని ఓ బీచ్ లో ఓ వ్యక్తి తన పెంపుడు జాగిలంతో ఫుట్ బాల్ ఆడిన  వీడియో సోషల్ మీడియాలో వైరల్ గా మారింది. ఆ వ్యక్తి బాల్ వేసిన కొద్దీ శునకం తన తలతో సరైన పొజిషన్ లోకి కొట్టిన తీరు చూసి నెటిజన్లు ఆశ్చర్యం వ్యక్తం చేస్తున్నారు. సోషల్ మీడియా వేదిక ‘ఎక్స్’లోని అమేజింగ్ నేచర్ ఖాతాలో పోస్ట్ అయిన ఈ వీడియోను 20 లక్షల మందికిపైగా వీక్షించారు. వేల కొద్దీ లైకులు కూడా వచ్చాయి. నిజానికి ఈ వీడియో పాతదే అయినా... తాజాగా మరోసారి వైరల్ గా మారింది.