విజయ్ దేవరకొండ జోడీగా జాన్వీ కపూర్!

తెలుగు నుంచి ఇప్పుడు పాన్ ఇండియా సినిమాలు వెళుతున్నాయి. అందువలన బాలీవుడ్ హీరోయిన్స్ ను తీసుకోవడానికి నిర్మాతలు ఆసక్తిని చూపుతున్నారు. తమ సినిమాల్లో జాన్వీ కపూర్ ను తీసుకోవాలని ఈ మధ్య కాలంలో ఆమె కోసం చాలామంది ప్రయత్నాలు చేశారుగానీ కుదరలేదు. 

'లైగర్' సినిమాలో కథానాయిక పాత్ర కోసం జాన్వీని తీసుకుందామని పూరి గట్టిగానే ప్రయత్నించాడుగానీ కుదరలేదు. ఆ తరువాత కాస్త ఆలస్యంగా ఈ ప్రాజెక్టులోకి కరణ్ జొహార్ రావడం వలన, జాన్వీని తీసుకోవడం కుదరలేదు. లేదంటే జాన్వీని ఆయన ఒప్పించేవారే. ఎందుకంటే శ్రీదేవి ఫ్యామిలీతో ఆయనకి మంచి సాన్నిహిత్యం ఉంది.

జాన్వీ కపూర్ ఫస్టు సినిమా 'ధడక్'ను నిర్మించింది ఆయనే. ఇప్పటికీ తన సినిమాల్లో ఆయన తొలి ప్రాధాన్యతను జాన్వీకే ఇస్తారు. ఆయన చెప్పడం వల్లనే, విజయ్ దేవరకొండతో పూరి చేయనున్న 'జన గణ మన' సినిమాకి జాన్వీ గ్రీన్ సిగ్నల్ ఇచ్చిందని అంటున్నారు. అయితే ఈ విషయాన్ని అధికారికంగా ప్రకటించవలసి ఉంది.